Matiu 28:18 - BAṈARA KO VAIRU AMA LEVELEVEO

¹⁸ Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Matiu 28:18 교차 참조

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 26:64

Nio vo Jisu ta o vati tiorikake ni eri kiolake, “Tuvevo ṉo kiṉolani nio. Ni aṉata a bazuemela me, tova inio meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Jone 3:31

Vo o kuevini aukale azo ta raura kala kiadakiadamu azo; melai vo miduku kale ala ta miduku vo pala inio, ni vota o kaseka miduku ko quli pala. Melai vo o kuevini aukale azo ta raura kala kiadama maba poso azo.

Jone 3:35

Vovo Mama ta o roqueva vo Meqora ni vota o kativa ko pizato tu o ereko kiadakiadama quli.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 2:36

“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.

Romu 14:9

Ako vo Karisito ta o vovi ni mata o saeve voukale azo, tu vota se saevomu ni se voumu vo Lekasa o elo.

1 Koriniti 15:27

Ako Tabu ama Riki ta so kikola sole, “Vo Baṉara ta o vaekou kiadama quli vo Karisito ko pizato ko vima.” Uria zakaremu ko ika komia pesipesi “kiadama quli” ta vo Baṉara ta pui okai zomana, vo lula o vaekeni kiadama quli vo Karisito ko pizato ko vima.

Kolosi 2:10

Kokale inio ko pado ama saevo ta ko katiziovi mekasi vokale kude. Vota raura kala kiadama piza kama auvana poso kasi azo.

Hiburu 1:2

melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

Hiburu 2:8

ni kiadama quli ko lekasa ṉo ivake.” Ko kikolani ta Baṉara inio “kiadama quli ko lekasa” o ive vo maba, so kai kikolani ta kiadama quli ta ko lekasa puevou vo. Melai animeta pui me vea kala maba vo lekasa okai evani kiadama quli erisaṉa.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.

Kelokelozato 11:15

Ni mata sikeurala mateana ta o puzekake voko kuvili, so keru inio matuma kora poso ta ko kuevake aukale azo, ko eri kikolako, “Peuru ma peuru kai lekasa puilo ko pizato ta erisaṉa ta animevo Lekasa Baṉara ko, ni vo o pitoeveni Pakio ko, ni koa lekasa puo ta ko elou latau ṉaniu ni ka ṉaniu!”

Kelokelozato 17:14

Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.

Kelokelozato 19:16

Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.