42 ni eri kikelake, “Edolomu inio o pakiemani, ta noi sole inio pui o pakia o ṉavi! Melai vota o saqora koa korosi topi azo tea animeta eri nio kimevou, ‘Koe, tuvevo vota se Izireli amu vo Aikovakova,’ nio kimevou.
Nio seta eri kikelake, “Lai nio voa meqora se Jiu amu vo aikovakova o elo ala o alilakoi? Ako eneta lula ṉe qeve voko alilo ko mamola puekako suti ṉaniu ko peatakoi vasia rana, nio eṉeta ṉe queva tu ilusivole vo,” kikelake.
ni eri kikelake, “Ṉo inio ṉo biresukou ko Jelepade ni zouke ṉaniu kale mata ṉo dova orumukou kiṉolani ṉa! Sole pakiovi ṉo ṉavi, vo Baṉara vo Meqora ṉa ṉo elou ta! Ni saqore koa korosi topi azo!” kikelake.
Ni omadeuvo jari mata se raura kama siama madu ni se Mosese ko Bazu kekai nianiiekatani melai keva balebaleitake ni eri kikelake ke ṉavio kude, “Edolomu inio o pakiemani, ta noi sole inio pui o pakia o ṉavi!
Sole uri tu me velo nea Baṉara o soroevani Pakio se Izireli mu vo Aikovakova o saqorou ta koa korosi topi azo erisaṉa, so inio tuvevo me ivou!” kikelake. Ni omuqa kuilokuiloa nioqa ke patoekeni nioqa Jisu sate nioqako omuqa korosi topi melai qo ruqeruqe kasevake vo.
Ni se maba madu ta ke lojoake sai ni ke toiritoirizatake, ni se Jiu ama tanatanamu ta kevai balebaleitake vo, ni eri kikelake, “Edolomu inio o pakiemani, vaeka tu o pakizio o ṉavi voa Pakio o elou ta, ni Baṉara o pitoeveni o elou ta!” kikelake.
So sole seta ke koake kama pamu ore ko dauko ni seta ke olake toraevole vo, ni ke vaelavelaoke ni eri kikelake, “Me ilusivo vo Baṉara, Baṉara ta mauru o ivou vo o kuevani voko ṉikale, vo Izireli ala Aikovakova!” kikelake.
Kala vo o viqani aṉako bazubazu melai vo pui o zorikani ko, ta pui aṉa inio aba titizivou vo. Ako aṉata pui aba kuevi tu titizimole se maba poso sole, melai pakiemole se.
Nio omuqama taku kale sea tanatanamu ta ke nokaevake voa leqa alilo o eveni maba nio eri kikelake vokasi, “Tuvevo ama quli kaseka Baṉara ko tanama kale! Ako eṉeta ṉevai nianiia ta voa maba ta sarueko sala sole,” kikelake.
