ni ota vatutake koa titizikinio ko pade ko veutu tona. Nio mata kama pado nabulu ta ko veake vo ni eri kikelake sea maba poso kasi, “Vota vo Nazareti ala Jisu kale ala,” kikelake.
Ni puliako tu keu nio se sai ke lojoani ta ke olake ni ke aramuvake vo Pita ni eri va kikelake, “Tuvevo ṉo inio kala ṉa vo kalea laṉa, ako ṉoko pesio ko rukuruku ta Qalili amu ko jari sole,” kikelake.
Melai Pita ta eri kiolake, “Aṉata maulu a bika ni tuvevo ama quli kio a qaseka ni vo Baṉara ta o koqotaelou aṉa a lipalipatou ta! Aṉata maba pui avai nianiia voa maba!” kiolake, ti kokorako ikio kobeta ziake.
Nio Jisu ta eri kiolake, “Pita, aṉata a bazueṉa ṉo, puliako kokorako zialo oduadu ipu kale inio ṉota ṉoda la zoliovou ni eri kiṉovou zouke taku, ‘Aṉata pui avai nianiia vo,’ kiṉovou,” kiolake.
