Matiu 26:28 - BAṈARA KO VAIRU AMA LEVELEVEO

²⁸ komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Matiu 26:28 교차 참조

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 26:27

Ni vota mata o koake ko kapa vaini ko ju sama, ni o kasekake voko uriavo Baṉara kasi, ni o katimake se, ni eri kiolake, “Meta nozuekomo,

Matiu 26:29

Ni aṉata eri kiala mekasi, aṉata pui mata aba nozuekou eri ama vaini ko ju ti kobeta barolou koa ṉaniu aṉa mata a nozuekou keru ko vairu ama vaini ko ju me sase aṉavo Mama ko lekasa puo kale,” kiolake vo Jisu.

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Maka 1:4

Nio so inio vo Jone ta o puratake lealea kama zaekale, ni bapitaiso o imake se maba poso ni o bazubazutake ni eri kiolake, “Meta liliziomo meko sarueko kale azo ni bapitaiso emo, inio vo Baṉara ta ota mela akoekou meko sarueko poso,” kiolake.

Maka 14:24

Nio Jisu ta mata eri kiolake sekasi, “Komia kapa vaini sama ta ko mamola pueka aṉako dara, koko rereovo ama tu ko pakiemo kubo maba poso, ni komia aṉako vou kio ko vinaeko ama vo Baṉara ko leveleveo maba poso kasi.

Luke 22:19

Ni vota o koake ko bereti, ni o kasekake voko uriavo sama pesio Baṉara kasi, ni o palamukake ko, ni o katimake se, ni eri kiolake, “Komi ta ko mamola pueka aṉako tupu, ako aṉata a mela vouvou me sole. Meta me erekou komi aṉako kerukeruelo kaqe.”

Luke 22:20

Ni koa omadeuvo jari, koa vuato ko tova inio vota o katimake ko kapa vaini ko ju sama, ni eri kiolake, “Komia kapa vaini ko ju sama ta ko mamola pueka aṉako dara, koko rereovo ama tu ko pakiemelo me, ni komia aṉako vou kio ko vinaeko ama vo Baṉara ko vairu ama leveleveo maba poso kasi.

Romu 5:15

Melai nioqata pui ijavoa nioqa, ako vo Baṉara ko roquano sama puaro ta pui Adami ko sarueko jari ama sole. Tuvevo kubo maba ta lula keta vovi omadeu pado maba ko sarueko kale. Melai vo Baṉara ko pakiezato sama roquano ta kokai paloasa ko sarueko, so jari vo Baṉara ko roquano sama puaro koko puariziako kubo maba poso kasi omadeu maba ko pakiezato sama roquano kale kude, vo inio vo Jisu Karisito.

Romu 5:19

Kiadamu ta ruqe keta evake omadeu maba ko bikoirato kale, ni sea kiadamu ta mata sidopu keta elou Baṉara ko kelokelozato kale omadeu maba ko zoripato kale.

1 Koriniti 11:25

Ni so jari mata, koa vuato ko tova vota o katimake ko kapa vaini ko ju sama, ni so kiolake, “Komia kapa vaini ko ju sama ta ko mamola pueka vo Baṉara ko vairu ama leveleveo, ko pizato saṉa ko evako aṉako dara kale. Kiada keru meme nozuekou keru ko, meta erekomo aṉako kerukeruelo kaqe,” kiolake.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Kolosi 1:14

vo o rupasimeleni anime, voko tamela akoeko kale animeko sarueko poso.

Kolosi 1:20

Vo Meqora kale kude inio Baṉara ta o pitoeke tu kiadama maba poso ni kiadama quli vo o erekema ta odouvato saṉa ke elo vokasi. Baṉara ta o ereke ko bule vovo Meqora ko voukale korosi topi, tu kiadama miduku kale ama ni aukale ama quli ta odouvato saṉa ko elo vokasi.

Hiburu 10:29

Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.

Kelokelozato 7:9

Koko tova inio a lilitakea lala ta matu ti matuma vaki a qeake; puliala opa roveovo amu ataemo sea kiadama maba poso! Seke kuevini kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo, seta ke lojoake koa papupapu ni voa Sipi Meqora ko kuleto, ni seta rosia sabosabo tapo ama samu ni ke kamakake ko dauko poso tu ke puratiko seko zoleilo.