Matiu 26:11 - BAṈARA KO VAIRU AMA LEVELEVEO

¹¹ Ako se ozaoza kama maba madu meme qasemani ta mekasi nio kebeta eloa koi kiada keru sole, melai aṉa inio pui mekasi aba eloa lala kiada keru.

Matiu 26:11 교차 참조

Matiu 18:20

Ako sai kama zouke maba poso pala ke padoiloa koi aṉako ṉikale, melai aṉata a zomanou sekasi,” kiolake.

Matiu 26:10

Melai Jisu ta obe tama nianiiake se kikelani, sole vota eri ma kiolake se, “Pui kai karaṉo komia rekoreko koko erekako koko uri ama iruruputo aṉa kasi,

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Maka 14:7

Ako se ozaoza kama maba madu meme qasemani ta mekasi nio kebeta eloa koi kiada keru, sole kiada keru me dauvemo amu inio se. Melai aṉata pui mekasi aba eloa lala sole kiada keru.

Jone 12:8

Ako se ozaoza kamu ta ke elou me sase kiada keru, melai aṉata pui aba elou mekasi kiada keru,” kiolake.

Jone 13:33

A matu roquemelani lolo poso mela, puliako tu keu aṉata a vaemelou me. Ni meta me vaililou aṉa, melai erisaṉa aṉata a melai bazuekou ko quli se Jiu ama tanatanamu lula amai bazuekema quli, ‘Meta pui meba roveovou zio sai aṉa a ziovoa koi.’

Jone 14:19

Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou.

Jone 16:28

Aṉata a quevi aṉavo Mama kasi azo, ni a quevi koi komia peuru ma peuru kale, nio erisaṉa ta sipole inio a vaekou ko peuru ma peuru ni ada vaitou a Mama kasi,” kiolake.

Jone 16:5

Melai erisaṉa aṉata ada ziovou vo o soroeleni aṉa kasi, melai puliala me azo ta olai kuimaeka koa zae sai aṉa a zio ka kialakoi.

Jone 17:11

Erisaṉa aṉata matu sipole ada vaitou ṉokasi, sole aṉata pui tova elo aba elou komia ruqe ama peuru ma peuru kale, melai ni ta kebeta elou komia ruqe ama peuru ma peuru kale. Tabu ala Mama, ṉota pakiema se ṉoko ṉi ko pizato kale, koa ṉi ṉoṉo qatilema aṉa kale, tu seta omadeu bulo ni saevo ke elou, omadeuvo ṉo ni aṉa ta omadeu qe eva jari.

Iruruputo 3:21

Vota obeta elou aukale ti kobeta barolou kiadama quli vaini ko elou keru omadeuvo vo Baṉara kiovevo jari voko tabu ama poropita madu kasi se lulavo ke eveni.

Qelesia 2:10

Ni seta omadeu quli ko kiada ikio ke paseqelake eqe, tu qepeta ziovou tauvemo se ozaoza kamu Jerusalema. Ni ko quli kio aṉa melai aqai matu zariako tu a ereko.

1 Jone 3:17

Ni kala batiro ala lotu maba ta obe velou kala vovo lolo olaquavo o evani melai pui o roquevou tu o tauvevo vo, ta vo Baṉara ko roquano ta maba puliama voko bulo kale!