Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.
Melai se nianiiomu ta ke mati tiorikake ni eri kikelake, ‘Komia oela ta pui ko male eṉeko juke ni meko juke, sole olamo kekai tatabaraovakoi ko oela tu pa tatabaraekomo me ṉaviko,’ kikelake.
Ni meta pui eri kio me ṉavio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!
So sole vota o nokaeke, Taite Ebarahami! Roquela aṉa, tu soroeva vo Lazarasi tu o dulueko voko seseu jukale tu opa talai tibiatiko a lenio tu saroro kola iko, ako aṉata ada matu tolaiva komia uza ko poro kale sole!’ kiolake.
“So sole meta kati vailomo ko meme viqako quli, ako vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio ka kiolake kobe evako vo tona,” kiolake.
Nio Saimone ta eri kiolake Pita ni Jone kasi, “A matu paseqela qe tu lati vararaitoko Lekasa kasi, tu ko quli ṉoṉo qasekako quli ta pui ko ereilou aṉa kasi,” kiolake.
Baṉara ta lula leveleveo okai vaeka kama pado zae tu animeta me amaqeovou sai vo o evakoi tu me mamazou vokasi. So sole animeta me vailou, tu puliala anime azo kala ta nieu okai elou kelo ni kovo koa mamazo ko vo lula o mela inainaekema.
Keatini! Ako sea Setani ko vaki se ‘Eṉe inio ko Jiu amu ṉela,’ kikelani, melai seko tuveano ta pui Jiu amu, se inio aṉa a mati kilo amu mekasi ni seta ke loqunou meko kiti kasi. Nio sea kiadamu ta kelai nianiiovou ko aṉata a roquemela me kio.
