Matiu 25:6 - BAṈARA KO VAIRU AMA LEVELEVEO

⁶ “Ni ipu tiania kota evake nio kala ta o velavelaoke ni eri kiolake, ‘Meva! Vo obe vairua rorotani maba ta ota kueva, kuemo tu pa toraevomo!’ kiolake.

Matiu 25:6 교차 참조

Matiu 24:31

Ni kala mateana ta o matu puzekou ko kuvili, ni aṉata a joroemou aṉako mateana madu komia peuru ma peuru kale, ni seta ke padoemou aṉako pitopito ama maba poso kiadama zaekale azo.”

Matiu 24:44

Sole me melai inainaomo, ako aṉa maba a eveni lala ta a vaitou koa taku kale ko me pui me baqumukako kale sole,” kiolake.

Matiu 25:1

Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Iniseana toni sinaqu rusu seke borikeni seko juke tu kepa toraevo vo obe vairua rorotani maba.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Matiu 25:5

Melai vo obe vairua rorotani maba ta pui taukavole o kuevake sole sea sinaqu rusu ta keta dudeke ni keta maroṉake.

Matiu 25:7

Nio sea sinaqu rusu poso ta ke toiratake ni ke matukikake seko juke.

Luke 12:20

Melai vo Baṉara ta eri kiolake vokasi, ‘Noa sarubea laṉa! Komia ipu inio ṉoko saevo ta ko paitou, ni lala inio o ṉeamukou kiadama koa lomaloma poso ko ṉo lula ṉo inainaekema?’ ”

Luke 12:46

nio voa lekasa ta o vaitou kama pado ṉaniu kale voa nabulu pui okai kuirikako ni koa taku vo pui okai nianiiako kale. Ni vovo lekasa ta matuma koqotato o kativou tu vota okai zomanou se pui ke zoripatani ke kovo ama koqotato.

1 Tesalonaika 4:16

Ako vo Lekasa Jisu ta matuma velavelao kale o bazuemou se voumu tu ke saevo, ni mateana lekasa ta o kati padoekou voko kora, ni vo Baṉara ko kuvili ta ko kelaovou, ni o ṉavi Lekasa Jisu ta o saqorou aukale azo. Nio se lula ke vovini se kevai keruini vo Karisito ta ke saevou voukale azo ni ke koilou kuleto,

2 Pita 3:10

Melai vo Baṉara ko ṉaniu vo Lekasa Jisu oka vaito ama ta kala maba o kuilani ko kilo jari nio ko elou. Ni koa ṉaniu kale inio ko au ta kota parakou matuma tibaraputo kale, ni kiadama quli aukale ama ta ko niaqariovou uza kale. Ni miduku ni kiadama quli saizama ta kota siqailou.

Kelokelozato 16:15

Eri kiola animevo Lekasa, “Viqomo! Aṉata a qilou kala kuilokuilo ala maba jari! Maurumauru ala voa maba vo toiratoirati obeta evani, ni o kati vailani voko suma poso, nio vota pui opa taliovou lava pide ubutiania tu vota o qurato!”