Matiu 25:41 - BAṈARA KO VAIRU AMA LEVELEVEO

⁴¹ “Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Matiu 25:41 교차 참조

Matiu 13:40

Ni ko rabu koko tuboivako ni ko siqaivako uza kale ta so jari inio tovatovama ṉaniu ko kalo avo.

Matiu 13:42

ni seta ke risaemou se heli ko uza kale, sai seke zialoa koi, ni sai taka ke roinaroinaekoa koi.

Matiu 13:50

Ni se ruqe amu ta ke risaemou heli kale, sai seke zialoa koi ni taka ke roinaroinaekoa koi.”

Matiu 18:8

Ako kama quli ṉoko saevo kale ama ta sarueko saṉa ko iṉou ṉo, ta ṉota ṉo ṉamukou ko. Kota matu tapata tu ṉamuko ko, melai uri tu ṉamuka. Omadeuvo ṉota ṉo ṉamuka jari ṉoko ṉase ma kiti, ko ruqe ama kalo saṉa ko iṉako ṉo, ma ṉota ṉo ṉamuka jari ṉoko vilu, ko ruqe ama zario saṉa ko iṉako ṉo. Uri tu amaqeo vo Baṉara ko lekasa puo kale ama saevo kale omadeu ṉase ni kiti sate ma omadeu rana vilu sate, melai pui uri tu ke risaeṉou ṉo pado ama ṉoko tupu sate heli ko uza kale,” kiolake.

Matiu 25:42

Ako aṉa a luape keru ta pui meba niaele sole, ni aṉa kabare a eve keru ta pui meba katile sole ko ju.

Matiu 25:46

Nio soama ruqe ama maba poso inio ke kovo amu ko noqola kama tolailo, melai se sidopu amu ta ke ziovou noqola kama saevo kale,” kiolake vo Jisu.

Matiu 3:12

Ako vo inio o titizimou kiadama maba poso, omadeuvo vo iruruputo ko maba jari, vo o pitasikani ko vuiti ko uri ama epa ni o padoekani ko voko modo sapera topi, melai koko turu ta ota ka siqaekani lalamato pidea bainoma uza kale,” kiolake.

Matiu 4:10

Melai vo Jisu ta o vati tiorikake ni eri va kiolake, “Ose, Setani! Ako ko Tabu ama Riki kikolani ta eri nio sole, ‘Ilusiva vo Baṉara vo ṉovo Lekasa ni va nabulupute vo o kiada!’” kiolake.

Matiu 5:22

Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Matiu 7:23

Melai aṉata eri kiavou sekasi, ‘Meta maba pui aṉako mela, tu olamo aṉa kasi azo, me ruqe ama maba poso mela.’ ”

Luke 13:27

Melai vota mata eri kiovou, ‘Aṉata pui a melai nianiia me ni pui aqai nianiia sai meme quevakoi kazo. Olamo aṉa kasi azo, mea ruqe ama maba poso mela!’ kiovou.

Luke 16:24

So sole vota o nokaeke, Taite Ebarahami! Roquela aṉa, tu soroeva vo Lazarasi tu o dulueko voko seseu jukale tu opa talai tibiatiko a lenio tu saroro kola iko, ako aṉata ada matu tolaiva komia uza ko poro kale sole!’ kiolake.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

2 Tesalonaika 1:7

ni vota o mela besitou meme niumaivani mela voko mamazo kale, ni so jari eṉe. Vota o erekou ko quli so keru vo Lekasa Jisu o puratou keru aukale azo voko piza kama mateana madu sase,

2 Tesalonaika 1:9

Seko koqotailo ta noqola kama tolailo ni pitasio animevo Lekasa ko tanama kale azo, ni voko pizato sama ṉaṉaidara kale azo.

Hiburu 6:8

Melai rikosasana ni rabu kokai qotupako jari ama sea maba poso ko saevo ko elou, kota puliama kalo sama ikio, ko male tu vo Baṉara ta o mati levezou se ni vota o siqaemou se uza kale.

2 Pita 2:4

Ako Baṉara ta pui opa utu zarieme se mateana madu boutare ke erekeni, melai vota o soroeme se heli kale ni sai nio seta piripiri amu kutumana kale ke tarekani titizato ko ṉaniu.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.