Matiu 25:34 - BAṈARA KO VAIRU AMA LEVELEVEO

³⁴ Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Matiu 25:34 교차 참조

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

Kelokelozato 21:7

Seke koqotaeko amu ko ruqe ta aṉata sevo Baṉara a elou ni seta aṉako meqora poso ke elou.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Matiu 20:23

Nio Jisu ta o kati tiorikake nioqa ni eri kiolake, “Tuvevo qeta roveovou aṉa jaria tolailo elo, melai aṉata puliama pizato tu a zarieqelo qe tu qe papuvou aṉako palo ni made rana. Ako koa zae ta vo Baṉara inio o katimou se oma inainaekani,” kiolake.

Kelokelozato 17:8

Voa biaṉa vo ṉo lula ṉo veani ta o saeve lulavo, melai vota pui o saevani vairutu. Vota o saqorou matu saqoroma soqili kale azo sai ziolo poso ko piriziakoi kazo ni vota o ziovou noqola tolailo kale. Se miduku kale ke evani maba poso se pui kopa tama rikiziovini seko ṉi poso noqola kama saevo samu ko ṉi ko buka topi puliako peuru ma peuru ereilo, ta keta vuzeilou muli ke velou keru voa biaṉa, vo o eveni lulavo, erisaṉa ta puliala, melai vota mata tova purato o elou.

Hiburu 4:3

Melai anime me duvevo putani mela inio me qoani mela koa mamazo vo Baṉara lula leveleveo okai vaekema. Vota eri kiolake, “Aṉata amai korakoraivake se ni ada ma kejomatake, ‘Seta maba pui kepa kai amaqeovou koa zae ko aṉa a qatimo ama se ka kialako tu kekai mamazo!’” Vota lula o paikake voko iruruputo koa taku keru vo o ereke keru ko peuru ma peuru, melai vota so kiove.

Luke 12:32

Ni vo Jisu ta mata eri kiolake voko disaipeli madu kasi, “Meta pui ṉalo, mea silo ama rovaṉa sipi jaria mela, ako mevo Mama ta ota zoleiva tu o lekasa puemelou me o ṉaviko lekasa puo jari.

Hiburu 11:16

Melai koa qulepo ama peuru seke zuatikema ta aukale ama peuru. Sokale inio vo Baṉara ta ota zoleiva tu seta ke kasevo vo ta vota sevo Baṉara, ako vota lula o inainaeke kama pado zae tu se kaqe sole.

1 Koriniti 15:50

Ko aṉa so ka kialako, a qaka ni visi poso, ta animeko marabau ni dara kale ama tupu ta kota sapeovou ni kota pui kopa roveovou kai zomano vo Baṉara ko lekasa puo kale, ko paito pide ama.

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Kelokelozato 19:16

Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.

1 Koriniti 2:9

Sokale avo inio ko Tabu ama Riki ta so kikola, “Aqasiele ama quli ko puliala kala pado maba lula o keako ni o viqako quli, ni ko puliala kala pado maba lula o kerukeruekako ikio ko quli lula Baṉara oma inainaekake tu o katimo se vo ke roquevani,” kikola.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 19:29

Ni kala ta o vaekou voko pade ni voko tamania poso ni voko mama ni niania ni voko meqora poso ni voko miduku tu o luluelo aṉa, ta vo Baṉara ta ova besiekou vo omadeu paizana vole ni mata o kativou ko noqola kama saevo.

Matiu 13:35

Vota o erekake ko quli tu vo poropita kiovevo ta tuvevo ko elou, ko eri kikovema, “Aṉata aqai pesiovou ko podepodeti so keru aṉa a besiovou keru sekasi. Ni aṉata ama kasekou ko quli puliala opa kai nianiima quli komia peuru ma peuru ko tanitanila keru azo,” kikovema.

1 Pita 3:9

Ni kala ta o saruekou mekasi, ta meta pui me besiekou ko sarueko vokasi, ni kala ta o ruqe kasemelou me, melai meta pui mevai besiekou tu me ruqe kasevou vo. Melai meta uri ama pesio kale me mati pesiovou soama maba poso, ako me inio me nokaivani mela sole tu koa kalo kale me qovou vo Baṉara ko mauruto.

2 Timoti 2:12

Animeta me bataitou tapata kale nio animeta me lekasa puovou vo sase. Animeta meda va zoliovou vo nio vo melai ota mela zoliovou anime.

Qelesia 5:21

sebisebito, piza kama ju doilili kai elo ni ruqe ama ṉojolao, ni ereko mata kama soama quli. Melai aṉata a balauvimela me erisaṉa, omadeuvo aṉata a balauvimele ko paloasako taku kale jari, ako seke erekani komi quli ta pui kepa kovou vo Baṉara ko lekasa puo kale ama mauruto sole.

1 Koriniti 6:9

Meta pui nio meqai nianiia se ruqe amu ta pui kepa amaqeovou vo Baṉara ko lekasa puo kale? Meta me uria paqumukou komi; pui se olavo amu, ni pui seke ilusikani ko beku ni pui seke zavematani ni pui se lasive amu ke ṉavio kude ke pauvekani ruqe ama iruruputo,

Luke 19:38

“Baṉara ta mauru o ivou vo Lekasa vo o kuevani voko ṉikale! Bule ta ko elou aukale ala Baṉara ni maba ko tiania! Ilusivomo vo Baṉara!”

Matiu 5:19

Ni kala maba ta pui o zorikou koa bazubazu kikolani ni o saruevou nianiiekivo kala vovo lolo tu vo melai pui o zoriko, omadeuvo se Parese madu ni se Mosese ko Bazu ko nianiiekato ko maba poso ke kavani jari, ta matu zara kala o elou vo Baṉara ko lekasa puo kale. Melai voa maba vo o luluekani vo Mosese ko Bazu kikolani ni o mati nianiiekikani maba poso tu se melai ke lulueke, ta matu raura kala o elou vo Baṉara ko lekasa puo kale.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Kelokelozato 5:10

Ṉota lula vo Aikovakova Baṉara omai lekasa puani siama madu ṉo ime se tu seta keva nabuluputo vo animevo Baṉara ni seta kekai lekasa puovou ko peuru ma peuru.”

1 Pita 1:9

Ni meko zoleilo ko raki ta eri, meta me qoa meko oqu ko zuato, ko ikio meko pakio.

Hiburu 9:26

Kubo taku okai amaqeovi tea, vota ota tolailo inio kubo taku kale peuru ma peuru ko erei keru azo. Melai koko ereima kale vota kasa o eve omadeu taku ko kiada ko malezikako kiadama taku komia tovatovama taku kale, tu vota siqasiqa o elo o ṉavi, tu vota noqola zauteko o elou maba poso ko sarueko poso.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

1 Tesalonaika 2:12

Eṉeta ṉe zuvarimele me, ni ṉe batukimele me, ni ṉebeta eve nokaemelo me tu meta meqai saevo koa saevo koko zolevako vo Baṉara, vo o nokaemelani me voko lekasa puo kale tu meta me zomanou voko ṉaṉaidara kale.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

Iruruputo 15:18

So inio kiolake vo Baṉara vo okai bazuteni ko matu lulavo.’ ”

Iruruputo 3:26

So inio vo Baṉara ta o pitoeve vovo Nabulu ni vota o soroeve kuleto mekasi tu mauru o imelo me tu meta me liliziovou kiadama meko ruqe ama iruruputo kale azo,” kiolake vo Pita.

Jone 19:15

Ni seta mata ke velavelaoke, “Vouvaevomo! Vouvaevomo! Patoevomo korosi topi!” kikelake. Ni Paelati ta o kuimaemake ni eri kiolake, “Meta meqai zaria tu aṉata a vouvaevou mevo aikovakova, kio?” Ni se raura kama siama madu ta eri kikelake, “Eṉeta omadeu pado aikovakova saṉela, ni vo inio vo Romu ala Aikovakova!” kikelake.

Jone 12:13

So sole seta ke koake kama pamu ore ko dauko ni seta ke olake toraevole vo, ni ke vaelavelaoke ni eri kikelake, “Me ilusivo vo Baṉara, Baṉara ta mauru o ivou vo o kuevani voko ṉikale, vo Izireli ala Aikovakova!” kikelake.

Jone 1:49

“Tanala, abe paqumuṉa ta ṉo inio vo Baṉara vo Meqora ṉa! No inio se Izireli amu vo Aikovakova ṉa!” kiolake.

Luke 11:28

Melai Jisu ta o opatake ni eri kiolake, “Uri, melai sea maba poso ke maba maurumauruivani ta sea poso seke viqani ni ke zorikani vo Baṉara ko bazubazu!” kiolake.

Maka 10:40

Nio Jisu ta o kati tiorikake nioqa ni eri kiolake, “Tuvevo qeta qeta roveovou aṉa jaria tolailo ni bapitaiso elo, melai aṉata puliama pizato tu a zarieqelo qe tu qe papuvou aṉako palo ni made rana. Ako koa zae ta vo Baṉara inio o katimou se oma inainaekani,” kiolake.

Matiu 27:37

Ni seta ke vaeke ka pado bazu, ko quli se kevai kuirikako, voko korosi topi. Ni koa bazu kikolani ta eri, “Nei nio vo Jisu se Jiu amu vo Aikovakova.”

Matiu 25:23

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 21:5

“Meta bazuemomo Jerusalema peuru kale amu, keatini, mevo aikovakova ta obeta kueva mekasi, ni vota matu zarazarailo ala ni obeta talia doqi kale, ka pado doqi vo meqora kale.”

Epesasi 5:5

Ni meta meqai nianiiovou ko eri: puliala maba ta opa kovou voko reketekete vo Karisito ni Baṉara ko lekasa puo kale vo o erekani ko pauvezato ni rusurusuavo puto ni vo viluloqu o evani. Ako vo viluloqu o evani ta vota voko beku o ika inio sole ko quli vo viluloqu okai evako quli.

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Maka 10:17

Ni vo Jisu obe talio kiola keru, nio kala batiro ala maba ta o kuevake vokasi, ni o iqeiqeake voko tanama kale ni eri kiolake, “Uri ala tanala ṉa! Loma uri ama iruruputo a erekou nio a qovou ko noqola kama saevo?” kiolake.

Luke 11:50

So sole se erisaṉama maba poso ta o koqotaemou vo Baṉara se poropita madu ko vouvaemo ko kio kale seke vouvaemeni peuru ma peuru ko tanitanila keru azo,

Jone 17:24

“Mama! Ṉota lula ṉo qatile se aṉako maba poso, tu seta ke varolo aṉa, ni aṉata ama zaria se tu sai aṉa a eloa koi inio ke elou, tu seta ke kelou aṉako ṉaṉaidara, koa ṉaṉaidara ṉoṉo qatilema aṉa, ako ṉota ṉo roquele aṉa puliako ṉo ereko ko peuru ma peuru sole.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.