Matiu 24:45 - BAṈARA KO VAIRU AMA LEVELEVEO

⁴⁵ Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Matiu 24:45 교차 참조

Matiu 10:16

“Meta didielomo! Aṉata a joroemela me omadeuvo sipi jaria mela piru ama ni kade ama biaṉabiaṉa ko tiania. So sole meta balauvomo ni ibuibumu emo meko saevo kale sekasi.

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Matiu 24:46

Voa nabulu ta ota matu zoleilou vovo lekasa o vaitou keru ni o kelou keru voko uri ama iruruputo vo obe erekako.

Matiu 25:2

Ni sike madu ta sarube amu, sike madu ta nianiiomu.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 25:23

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 7:24

Nio vo Jisu ta mata eri ma kiolake se, “Kala vo o viqani komia aṉako bazubazu ni o luluekani ta kala nianiiola maba jari, vo o orumukani voko pade miduku sama lado topi.

Luke 19:17

Nio vovo lekasa ta eri kiolake, ‘Koe, matu uri ama koidi ṉo ereke, uri ala nabulu ṉa! Ṉota uria ereko ṉo eve ko silo ama quli, so sole aṉata lekasa a iṉou ṉo toni peuru kale.’

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

Hiburu 3:5

Mosese ta kerula kala nabulu o eve Baṉara ko qoqono kasi voko mai bazueko kale se maba poso ko quli Baṉara o kaseko ama quli.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.