Nio vo Jisu ta mata eri kiolake sekasi; “Puliala maba ta okai nianiia koa ṉaniu ni taku aṉa maba a eveni lala a vaitou keru; se aukale ama mateana madu melai pui kekai nianiia, ni a ṉavi melai pui aqai nianiia, melai aṉavo Mama Baṉara o kiada inio okai nianiia koa taku.
Ako vo pade ko raki sala ta okai nianiiovou koa taku so keru vo kuilokuilo ala maba okai kilo ama taku, ta vota ota vailou inio ni pui opa maronou, tu voa kuilokuilo ala ta pui o amaqeovou voko pade kale kuilole.
Nio sea sarube ama sinaqu rusu poso ke olake tatabaraekole ko oela, se savasi maqa inio vo obe vairua rorotani maba ta ota baroake. Nio sea sike sinaqu rusu ke inainaovini ta keta amaqeake vo sate rorotato ko bau vuato kale, ni ke tibulikake ko veutu.
Ni Jisu ta mata eri kiolake, “Meta vailomo! Pui kai mumuasa puilo ko ṉojola ni nozueko ko piza kama ju ni tiṉoliṉoli kai elo komia taku ama saevo ko quli, ako pui uri tu koa matuma ṉaniu ta taukavole ko melai baro
So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.
Meta erekomo ko quli, ako meta me baqumuka ta meko toirato ko taku ta lula kota baroa sole. Ako anime meqai pakiovo ama taku ta lula sipole erisaṉa, pui anime me duvevo pute keru jaria vaṉa sole.
Eri kiola animevo Lekasa, “Viqomo! Aṉata a qilou kala kuilokuilo ala maba jari! Maurumauru ala voa maba vo toiratoirati obeta evani, ni o kati vailani voko suma poso, nio vota pui opa taliovou lava pide ubutiania tu vota o qurato!”
