Matiu 24:24 - BAṈARA KO VAIRU AMA LEVELEVEO

²⁴ Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:24 교차 참조

Matiu 22:14

“Ni so jari nio matu kubo madu inio se vo Baṉara o taipazimani, melai silo pala madu inio se vo o pitoemani,” kiolake vo Jisu.

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 24:22

Melai vo Baṉara ta lula o vatoeka tu puju o ikou koa matuma tapata ko taku, melai vota pui puju o ikou tea, puliala inio opa saevo. Melai voko pitopito ama maba poso ko tauvemo kale avo inio Baṉara ta puju o ikou koa taku.

Matiu 24:25

Sole meta didielomo, ako aṉata a melai bazueka komi quli puliako koa taku barolo.

Matiu 24:31

Ni kala mateana ta o matu puzekou ko kuvili, ni aṉata a joroemou aṉako mateana madu komia peuru ma peuru kale, ni seta ke padoemou aṉako pitopito ama maba poso kiadama zaekale azo.”

Matiu 24:5

Ako matu kubo maba madu inio ke kilou ni eri kikevou, ‘Aṉa inio voa Pakio lala vo Baṉara o pitoeveni,’ kikevou, ni ke saruemou matu kubo maba madu.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Maka 13:22

Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Luke 18:7

Noi nio? Vo Baṉara ta pui opa titizimou se ruqe amu, seke niumaemani o ṉaviko madu se kevai titiani ipu ni ṉaniu tu o tauvemo, kio? Vota pui taukavole opa tauvemou se, kio?

Jone 4:48

Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Jone 6:39

Vo Baṉara vo o soroeleni aṉa ta ola zaria aṉa tu aṉata pui a mumaevo kala sea kiadamu vo o katileni azo, melai vota ola zaria tu aṉata a jaevimou sea kiadamu tovama ṉaniu kale.

Iruruputo 20:16

Ni Paula ta oka zariake kai alokato ko Epesasi peuru ako vota pui oka zariake ṉamuko ko taku Eisia sole. Vota ota jijirake tu kai baro ko Penetikositi ṉaniu Jerusalema, ko roveovou tea, kiolake sole.

Romu 12:18

Meta matu madoekomo tu meta bule kale me elou kiadamu kasi.

Qelesia 4:15

Ni meta melai matu zoleike. So sole lai nio erisaṉa koa meko lai zoleilo? Aṉata pui ukaka a ika meko so keru ama zarizari ama kalo, ko roveovi tea meta mela lokoeko inio meko vilu tu me qatilo aṉa.

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

2 Pita 3:17

Melai me, a lolo poso mela, ta lula meqai nianiiani mela komi quli sole meta balauvomo. Ni pui zariemo se ruqe ama maba madu tu ke odiemelo me tu meqai zomano seke erekako ruqe ama kalo. Ni vailomo nio meta pui lekuleku me elou meko piza kama oqu kale azo.

1 Jone 2:18

A meqora poso, komia peuru ma peuru ko paitopaito ko taku ta sipole! Meta lula me viqe ta vo o kanaevo ala vo Karisito ta o kilou. Ni matu kubo vo Karisito ko kana madu ta lula koi, so inio animeta meqai nianiia ta ko paitopaito ko taku ta sipole.

1 Jone 2:22

So sole lala inio lipalipa kala? Vo inio voa maba vo eri kiolani, Jisu ta pui vo Baṉara o soroeveni Pakio inio, kiolani. Ni voa maba vo Jisu ta pui voa Pakio kiolani, vo inio vo Karisito vo kana, vo okai kaikuapani nioqa, vo Meqora ni vo Mama.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.