Matiu 24:14 - BAṈARA KO VAIRU AMA LEVELEVEO

¹⁴ Ni komia Uri ama Bazu vo Baṉara ko lekasa puo ko ta kekai bazubazutou komia peuru ma peuru kale tu kiadamu ta ke roveovou viqo. Sai kazo inio peuru ma peuru ta ko ruvurou,” kiolake vo Jisu.

Matiu 24:14 교차 참조

Matiu 10:7

Ni meta me bazubazutou ni eri kimevou, ‘Vo Baṉara ko lekasa puo ta sipole kota barolou!’

Matiu 18:19

“Aṉata mata a bazuemela me, kainioqa ta omadeu vatolo qo elou ni qo pasekou kama quli ta aṉavo aukale ala Mama ta o kati tiorikou ko quli ko nioqa qo pasekako quli.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 24:6

Ni so keru meme viqou keru ko matuma pazokinio ko bazu ni ke ṉavio kude kanaekinio ko bazu melai meta pui me ṉalou, ako ko quli poso ta kota ereilou inio sole, melai pui ko ikio peuru ma peuru ko paitopaito.

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Matiu 9:35

Ni vo Jisu ta okai taliake kiadama matumatuma peuru poso ni silosilo ama zavaṉa poso. Ni vota o nianiiekatake seko ilusato ko pade poso kale, ni okai bazubazutake ko Uri ama Bazu vo Baṉara ko lekasa puo ko. Ni vota o urikimake maba poso seko azaazama vere poso kale azo.

Maka 13:10

Melai puliako peuru ma peuru paito nio ko Uri ama Bazu ta ko pikairiovou kiadama peuru ma peuru kale ama qoqono poso kasi.

Luke 2:1

Koa taku keru inio vo Romu ala Matu Aikovakova Auqasitasi ta o soroekake kama pado bazu koa Romu ko vailo kale ama peuru ma peuru kale amu kasi, tu seta ke zio tu kepa ataito kiolake.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Luke 4:5

Nio vo Setani ta o vati peatake vo kama pado okate ama sopu kale ni vota ova kasekake kiadama komia peuru ma peuru kale ama matumatuma peuru poso ni toutou poso kama simoto tiniama taku kale.

Iruruputo 1:2

ti kobeta baroi koa ṉaniu vo Baṉara o koivievo keru vo aukale. Puliako vo koilo aukale ta vo Tabu ala Auvana ko pizato kale vota o katimake ko bazu sea maba poso vo o pitoemeni tu voko apositolo madu ke elo.

Iruruputo 11:28

Ni kala pado se azo Aqabasi va kikelani ta o lojoake ni vo Tabu ala Auvana ko pizato kale vota o pidokikake ko matuma nioṉe koko ereilo ama koa pado ama Romu ko kati vailako peuru ma peuru kale. (Kota tova inio ko baroi vo Kalaudiasi Romu ala Aikovakova ko taku keru.)

Iruruputo 17:31

Vota lula o takumuke koa ṉaniu vo o sidopua titizikou keru ko pado ama peuru ma peuru, ni vota lula o pitoeve voa maba vo o ereko ala koa titizato. Ni Baṉara ta lula kasa o ike voko pitoevo vo kiadama maba poso kasi voa maba ko mata saevivo kale voukale azo!” kiolake.

Iruruputo 17:6

Melai so keru se pui ke kea keru nioqa, seta ke rajaevake vo Jesoni ni so jari mata kake ke tuvevo putani koa peuru kale ama titizato ko maba poso ko tanama kale ni ke upaupatake ni eri kikelake, “Nioqia omuqa maba kidi nio tapata qo erekani nioqa kiadama zae poso kale! Ni nioqata qo kueva animeko peuru kale

Iruruputo 19:27

Koa tapata ta ko mela lovou, ni komia animeko iruruputo ta ruqe ama ṉi ko kovou. Ni pui koko kiada, melai koa tapata ta matuma baṉara Atemisi ko Jelepade ta pulia quli ko ikou ni ko ṉaviko ṉaṉaidara melai kota ka niumaekou, kiadama maba Eisia peuru poso kale ke evani ni kiadama peuru ma peuru kale amu ke ilusikako koa baṉara!” kiolake.

Iruruputo 20:25

“Aṉata lula a lipilipite mea kiada mela kasi kai bazubazutole vo Baṉara ko lekasa puo. Ni aṉata aqai nianiia ta puliala me azo ta mata opa tova lelou aṉa.

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

Hiburu 1:6

Melai so keru Baṉara o soroeve keru vovo pado Meqora peuru ma peuru kale, vota eri kiolake, “Kiadama vo Baṉara ko mateana madu ta ke ilusivou vo,” kiolake.

Hiburu 2:5

Baṉara ta pui opa pitoeme se mateana madu tu seta lekasa ke elo vairu ama peuru ma peuru ko kuevako kale— koa peuru ma peuru aṉa a qasekako.

Kelokelozato 14:6

Ni aṉata mata a veake kala pado mateana vo o akazani okate vasi okale, noqola kama ni uri ama bazu sala tu o kaseko se miduku kale ke evani maba poso kasi, kiadama toutou poso kasi, se aza pesiomu, kiadama qoqono kale amu ni se azaaza tupu amu kasi.

Kelokelozato 16:14

Sea zouke ta ko ziolo madu inio seke erekani ko aqasiele ama iruruputo poso. Koa zouke ziolo poso ta ke ola peuru ma peuru ama lekasa poso kasi padoemole, tu ke vati pazokinio vo Kiadama Pizato sala Baṉara voko matuma Ṉaniu kale.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.