Matiu 24:12 - BAṈARA KO VAIRU AMA LEVELEVEO

¹² Ni kiadama ruqe ta kota zarou ti matu kubo maba madu ko roquano melai lekuleku kota elou.

Matiu 24:12 교차 참조

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 24:13

Melai vo o pizato ala, ti obeta barolo ala koa taku ko paitopaito kale, vo inio o pakiovou.

Jemisi 1:21

So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 3:15

Aṉata aqai nianiia ko meme erekako quli; aṉata a melai nianiia ta meta pui sarosaroro ni pui vualavuala me evani mela. Soa mela inio ko aṉata a mela zariani me!