Matiu 22:8 - BAṈARA KO VAIRU AMA LEVELEVEO

⁸ Ni vota o nokaemake mata kake voko nabulu madu, ni eri kiolake sekasi, ‘Aṉata lula a inainaeka ko rorotato ko ṉojola, melai sea maba madu aṉa lula a daipazimalani ta ruqe amu sole pui ke kueva.

Matiu 22:8 교차 참조

Matiu 22:7

Nio voa lekasa ta ota matu korakoraivake, ni vota o soroemake voko solodia madu, tu kepa vouvaemo se voko nabulu poso ke vouvaemeni ni keta ma siqaeko seko peuru.

Matiu 22:9

Sole meta olamo matu peuru ko keve tona ni taipazimomo sai me melo ama maba poso,’ kiolake.

Matiu 9:15

Nio vo Jisu ta o mati tiorikake se ni eri kiolake sekasi, “Vo o rorotani ko baerebaere poso ni o ṉavi vo o rorotani ta omadeukoi kebeta elou ta seta pui duki kepa elou. Melai ko barolou keru koa taku, so keru aṉa voa vairua rorotoa lala jaria lala ko vou ko taku keru inio seta pui ke vuatou.

Luke 20:35

melai so keru seke malezikani ko voukale azo ama mata saevo ke tova saevou keru ta seta pui kepa rorotou.

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

2 Tesalonaika 1:5

Kiadama komi quli tamela kelo kale ta kasa ko ika vo Baṉara ko titizato ta sidopu ama, ni koko reketekete ta meta koko malea mela amaqeo voko aukale ama lekasa puo kale, ako erisaṉa meta tapata meqai toraeka sole meko elo voko lekasa puo kale.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.

Kelokelozato 3:4

Melai kama poso maba madu mela me sai Sadisi peuru kale me evani mela ta pui nio kaqa meqai ika meko suma ko sarueko. Me inio me daliovou aṉa sate tapo sabosaboa mela, ako meta me malezika sole.