Matiu 22:44 - BAṈARA KO VAIRU AMA LEVELEVEO

⁴⁴ ‘Vo Baṉara ta eri vati kiolake aṉavo Lekasa: Ṉota papi aṉako palo rana tu ṉo lekasa puo, ti kobeta barolou so keru aṉa a vaemou keru kiadama ṉoko kana poso ṉoko pizato kale.’

Matiu 22:44 교차 참조

Matiu 22:45

Ni vo Devita ta ova nokae voa Pakio ta o ṉavivo Lekasa, sole noi nio voa Pakio ta vo Devita ko vikuvikula kale ala inio?” kiolake.

Matiu 26:64

Nio vo Jisu ta o vati tiorikake ni eri kiolake, “Tuvevo ṉo kiṉolani nio. Ni aṉata a bazuemela me, tova inio meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Maka 16:19

Ni so keru vo Lekasa Jisu o paikake mati pesipesito se, ti vo Baṉara ta obe koivievake inio vo aukale. Ni sai nio vota o papuake vo Baṉara ko palo rana vasia rana tu o lekasa puo.

Luke 19:27

Erisaṉa se aṉako kana poso se pui kelai zariani aṉa tu ama lekasa puo ta mati kuemo koi ni vouvaemomo aṉako kuleto!’ kiolake.”

Jone 20:28

Ni vo Tomasi ta o vati tiorikake vo, “A Lekasa ni a Baṉara ṉa tiṉoineni!” kiolake.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 15:25

Ako vo Karisito ta o lekasa puovou ti kobeta barolou so keru vo Baṉara o koqotaemou keru kiadama kana ti o vaemou keru vo Karisito ko pizato ko vima.

Pilipai 3:8

Ni pui koko kiada, melai aṉata vairutu melai so ka kiala ta koa kiadama quli ti utube ama, ako aṉata a qati podetika sole aṉako vai nianiio vo Jisu Karisito aṉavo Lekasa. Ako vo Karisito kale avo inio aṉata a vaeke sole aṉako lulama saevo ni ko quli ta utube ama ka kiala, tu aṉata a ṉeamuvo vo Karisito

Hiburu 1:13

Baṉara ta maba pui eri pa kiove kala vovo mateana kasi vovo Meqora kasi kiovevo jari: “Papi koi aṉako palo rana vasia rana ti kobeta barou ṉoko kana poso aṉa ṉoko kiti iviivi a imou keru.”

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Kelokelozato 19:19

Nio aṉata a veake vo biaṉa ni komia peuru ma peuru ama aikovakova poso ni seko pazokinio ko maba madu ke padoivani, tu seta ke vati pazokinio vo o zazuani hose topi, ni ke kati pazokinio voko pazokinio ko vaki.