Matiu 22:35 - BAṈARA KO VAIRU AMA LEVELEVEO

³⁵ Ni kala se azo ta vo Mosese ko Bazu okai nianiiekatani sole vo inio ovai zariake tu zaraevo ni madoevo vo Jisu voko kuimanao kale ni eri kiolake,

Matiu 22:35 교차 참조

Matiu 22:18

Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Matiu 22:36

“Tanala, loma ikio matu qulepo ama bazu kiadama vo Mosese ko Bazu azo?” kiolake.

Maka 10:2

Ni kake Parese madu ta ke olake Jisu kasi tu ke madoevo vo tu keta va kelo kama sarueko kikelake. Ni seta eri kikelake, “Animeko Bazu kale vo Mosese o katimelema ta zarizari ama tu kala ta o vaekou voko reko ma pui?” kikelake.

Luke 11:52

“Matu ruqe ama quli kio ko melai barolou me, mea Mosese ko Bazu meqai nianiiekatani mela! Ako meko nianiiekato kale meta me qaitimani mela se maba poso tu pui ke amaqeo vo Baṉara ko lekasa puo kale, omadeuvo kala vidulu sala maba jari vo ota ma tibulikani ko pade tu pui ke amaqeovou. Me ṉavi melai pui meqa zaria amaqeo Baṉara ko lekasa puo kale, ni me inio mebe tizaemani se maba poso seke madoekani tu ke amaqeo sai!” kiolake.

Luke 14:3

nio Jisu ta o kuimaemake se Mosese ko Bazu kekai nianiiekatani ni se Parese madu ni eri kiolake, “Animeko bazu ta ko zariekake ikio ko urikato Sabati ṉaniu kale, ma pui?” kiolake.

Luke 7:30

Melai se Parese madu ni Mosese ko Bazu kekai nianiiekatani ta ke tizaekake vo Baṉara ko vatolo sekale avo ama, ni keta lupaoke bapitaiso puilo vo Jone ko bapitaiso kale.

Jone 8:6

Seta so kikelake tu seta ke madoevo, tu seta kevai zuakaeko ko titizato kikelake sole. Melai Jisu ta ota loquloqutake puliama pesio sate ni ota rikitake miduku topi voko ṉase kale ama seseu kale.

Taitasi 3:13

Ṉota matu madoeka tauveko voa loea, Zinasi, ni vo Apolosi, tu nioqata qo tanieko nioqako talio, tu nioqata qo korotou kiadama quli kale.