Matiu 22:17 - BAṈARA KO VAIRU AMA LEVELEVEO

¹⁷ Sole ṉota ṉela bazueka ṉoko kerukeru. Uri kio ko anime Jiu mu mela ta me buariko animeko takisi Romu ala Matu Lekasa kasi, ma pui? Noni kikola animeko Bazu?” kikelake.

Matiu 22:17 교차 참조

Matiu 17:25

Nio vo Pita ta eri kiolake, “Zio vota o tabarikani nio,” kiolake. Nio so keru Pita o baroa keru pade kasi, Jisu inio kuleto o kuimaevake vo Pita ni eri kiolake, “Nonia kerukeruto ta ṉobe eva ṉo Saimone? Lala inio o tabariko ala koa takisi komia peuru ma peuru ama lekasa poso kasi, ke ṉaviko mabamu ma edolomu?” kiolake.

Matiu 22:18

Melai Jisu ta lula obe tamai nianiia seko ruqe ama vatolo, sole vota eri ma kiolake, “Me meqai lipalipaitani mela ko sidopu! Meta mela zaria pala inio madoelo aṉa.

Luke 2:1

Koa taku keru inio vo Romu ala Matu Aikovakova Auqasitasi ta o soroekake kama pado bazu koa Romu ko vailo kale ama peuru ma peuru kale amu kasi, tu seta ke zio tu kepa ataito kiolake.

Luke 20:22

Sole ṉota ṉela bazueka ṉoko kerukeru. Uri kio ko anime Jiu mu mela ta me buariko ko takisi Romu ala Matu Lekasa kasi ma pui? Noni kikola animeko Bazu?” kikelake.

Luke 3:1

Ni vo Baṉara ko bazubazu ta ko kuevake Jone kasi, Zekaraia vo meqora lealea kama zaekale, so keru vo Taibiriasi Romu ala Matu Aikovakova ko toni sike ama sabere keru voko lekasa puo kale. So keru inio vo Ponitiasi Paelati ta Qavuna o evake Jiudia rana, Herodi ta Qalili ala lekasa, ni vovo visi Pilipi ta lekasa okai evake ko Ituria rana ni Tarakonaitisi rana. Ni so keru inio vo Laisaniasi ta lekasa o evake Abileni rana, ni Anasi ni Kaepasi ta Ṉisa Siama qo evake.

Iruruputo 17:7

ni Jesoni nio o kati vailani nioqa voko pade kale. Ni sea kiadamu inio ke bikoirikani ko Romu ama bazu poso, ni ke kasevani kala edolola aikovakova, voko ṉi ta Jisu,” kikelake.

Iruruputo 25:8

Melai Paula ta ota qaraqaraike pesio ni eri kiolake, “Aṉata puliama sarueko a ereka ko aṉa aqai bikoirikako ko Mosese ko Bazu se Jiu amu ke luluekako ni kai kedu ko Jelepade ni vai kedu vo Romu ala Matu Aikovakova,” kiolake.

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.

Iruruputo 5:37

“Ni koko tova Jiudasi ta mata o puratake Qalili ala maba atailo ko taku keru, vota oka kuletake matuma vaki melai ke vouvaevake ni vo ke lulueveni ta azama buara keta evake.