Matiu 21:46 - BAṈARA KO VAIRU AMA LEVELEVEO

⁴⁶ Sole seta kekai zariake tu noqoevo vo, melai seta keta ma ṉake sea matuma vaki, ako sea vaki ta ke tuvevo pueva vo Jisu ta poropita inio sole.

Matiu 21:46 교차 참조

Matiu 21:11

Nio sea vaki seke kuevini Jisu sase ta eri kikelake, “Nei ta poropita Jisu inio Nazareti peuru Qalili tanala,” kikelake.

Matiu 21:26

Ni animeta mata eri kimevou, ‘Maba inio o kative koa pizato,’ kimevou, ta meda ma balauvou se maba madu, ako seta ke tuvevo pueveni nio sole vo Jone ta kala Baṉara vo poropita,” kikelake.

Matiu 21:45

Nio se raura kama siama madu ni se Parese madu ke viqa keru Jisu ko podepodeti, seta kekai nianiiake ta Jisu ta se inio o kasemake koa vaini kiaro ko podepodeti kale.

Matiu 22:1

Ni Jisu ta mata oma bazuekake se maba poso komia podepodeti ni eri kiolake,

Maka 11:18

Ni se raura kama siama madu ni se vo Mosese ko Bazu kekai nianiiekatani keta va viqa keru vo, seta ke taniekake vailiko kama keve tu ke vouvaevo vo Jisu. Melai seta keta ma ṉake sea vaki, ako sea vaki ta keta va vuzeike sole voko nianiiekato.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Jone 7:30

Nio ke viqe keru voko so kio inio sea tanatanamu ta ke noqoevo kikelake vo, melai puliala ta o roveake kamavo, ako voko taku ta pui nio ko baroake sole.

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.