Matiu 21:32 - BAṈARA KO VAIRU AMA LEVELEVEO

³² Kota so ko kava ako meta pui tuvevo meba ive sole vo Jone Bapitaiso, vo o kuevini mela kasekole ko sidopu tu meta me erekou. Melai se takisi ke koani ni seke sasave putani inio ke tuvevo pueve, melai meta mebe keve seko kalo, melai meta pui meba besieke meko kerukeru tu me duvevo puevo vo sole,” kiolake vo Jisu.

Matiu 21:32 교차 참조

Matiu 11:18

Ako vo Jone ta o kuevi ni vota o tabutabuake voko pui kuo kale kama sailao ni vaini ko ju, nio seta eri kikelake, ‘Ziolo kovai onobata!’ va kikelake.

Matiu 21:25

Sole lala inio o kativake vo Jone koa pizato, inio vota bapitaiso o imake se maba poso. Vo Baṉara inio o kative koa pizato ma maba inio?” ma kiolake. Nio seta ke taniekake zolizoliekinio ke ṉavio kude ni eri kikelake, “Ako ‘Vo Baṉara inio o kative koa pizato vo Jone’ kimevou, ta vota eri nio mela kiovou, ‘Ta noi sole inio meta pui meba tuvevo pueve vo?’ inio mela kiovou.

Matiu 21:31

Sole lala pado nioqa tamania inio o zorikake nioqavo mama ko zario?” kiolake. Ni seta ke vati tiorikake ni eri kikelake, “Vo kaka kala meqora, vo o keveni iruruputole,” kikelake. Nio Jisu ta eri ma kiolake se, “Tuvevo. Sole tuvevo avole aṉata eri kiala mekasi, so inio se takisi ke koani ni seke sasave putani ta ke mela paloasa me seko amaqeo kale Baṉara ko lekasa puo kale.

Matiu 5:46

So sole meta me roquemou pala seke roquemelani me, ta pui ko male tu vo Baṉara ta reketekete saṉa o imelo me, ako se ruqe amu se takisi ke koani melai keta rovea ereko sole so jari.

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

2 Pita 2:21

Pui kepa kai nianiiovi ko sidopu ko keve tea uri. Melai kekai nianiiovi saita inio ke vaeke ko tabu ama bazu koko katiziovima sekasi ta maba pui uri sole.

Kelokelozato 2:21

Aṉata lula a qatika ko taku tu kota ko lilizio koko ruqe kale azo, melai kota pui koka zaria lilizio koko pauvezato ko iruruputo kale azo.