Matiu 21:19 - BAṈARA KO VAIRU AMA LEVELEVEO

¹⁹ Ni vota o veake kala piqi ore koa keve ko ketaketa, ni vota ota olake tu opa tava kelo voko epa. Melai voa piqi ore ta puliama voko epa melai voko leko ko kiada ikio ota va keake, so sole vota eri va kiolake voa ore, “Ṉota pui mata ṉoba tova epamatou,” va kiolake. Nio so beva kiola keru inio voa piqi ore ta ota kajaoke.

Matiu 21:19 교차 참조

Matiu 21:20

Nio so keru se disaipeli madu, ke talini Jisu sate, ke kea keru ko quli, seta keta matu vuzeike ni eri va kikelake, “Loma quli kio nea piqi ore ko kajaekivala?” kikelake.

Maka 11:14

Nio Jisu ta eri va kiolake voa piqi ore, “Puliala inio mata opa taṉa kuovou ṉoko epa!” ni vo so kiola keru voko disaipeli madu ta keta va viqake.

Maka 11:20

Ni koko raneo kale omadeu vikale nio Jisu ni voko disaipeli madu ta kebeta taliake keve tona nio seta ke veake voa piqi ore lula ota kajaova ko tataiqili kasi azo.

Luke 3:9

Vo Baṉara ta omadeuvo kala maba jari, vo lula o inainaivani tu o rakirakiekou ko ore poso. Kiadama ore poso ko pui uri ama epa sama vota o roekou ni o risaekou uza kale. Omadeuvo so jari nio o imou vo Baṉara se maba poso pui sidopu ke erekani,” kiolake.

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Jone 15:6

Ni voa maba vo pui o evani aṉa tona ta o ṉamuiva omadeuvo koa kata ko pui ko epamatako jari ta ko ṉamuiva ni ko kajaova. Sai nio seta ke niaqueka soama kata poso ni ke risaeka uza kale ni ko siqaiva.

2 Timoti 3:5

seta ke noqoekou ko lotu ko kupekupe ama iruruputo, melai seta ruqe keta ka ikou koko tuvevo ama pizato. Ṉota tama papariovi soama maba poso.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

Jiudi 1:12

Sea maba poso ta kaqa keta mela ika meko bairumuo vuato ako kokale seta qurato pide ke utu zoleiva ke ṉavi sole ni seta ke kerukeruiva ke ṉavi pala. So inio seta nioro pide ama lei, koko alazikako ko ururu jari amu. Ni seta epa pide ama ore jari amu, so keru koko epako ko taku keru melai epa pide ama, seta ko rabuivako ni ko vouvako ore jari amu.

Kelokelozato 22:11

So sole vo ruqe ala maba ta vaeka tu ruqe obeta erekato, ni vo kuna kama iruruputo o erekani ta vaeka tu koa kuna kama quli obeta erekato. Ni vo sidopu ala ta vaeka tu sidopu ama quli obeta erekato, ni vo o tabutabuani vo Baṉara kasi ta vaeka tu o tabutabuo!”