Matiu 21:1 - BAṈARA KO VAIRU AMA LEVELEVEO

¹ Ni Jisu ni voko disaipeli madu ta kebeta taliake keve tona, ni sipole kebe baro Jerusalema kikela keru, inio seta ke baroake Betipeji sasa peuru Olive Ore sama Sopu ko ketaketa. Nio Jisu ta o soroekake omuqa voko disaipeli kidi tu qopeta zio seko kuleto vasi.

Matiu 21:1 교차 참조

Matiu 20:34

Nio vo Jisu ta o matu roquekake nioqa ni ota ka kamakake nioqako vilu ni maba koa taku kale inio nioqata qota roveake kelokelozato. Ni nioqata qo luluevake vo Jisu.

Matiu 21:2

Ni puliako vo soroeko nioqa vota eri kiolake, “Qeta olako ukoa peuru kale ni qeta qe kelou kama doqi kobeta lojoa ke titiekema barabara topi ni koko meqora. Qeta qe rupasikou ni qe kati kilou koa doqi ni koko meqora aṉa kasi.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 26:30

Ni seta kekai keraoke ka pado ilusato ko kera, ni keta olake Olive Ore sama Sopu kale.

Maka 13:3

Ni vo Jisu ta ota papuake Olive Ore sama Sopu kale Jelepade kasi vasia lilito. Nio vo Pita ni vo Jemisi ni vo Jone ni vo Aduru ta keva olake vo moizavole, ni eri kikelake,

Maka 14:26

Ni seta kekai keraoke ka pado ilusato ko kera, ni keta olake Olive Ore sama Sopu kale.

Luke 21:37

Ni ṉaniu poso kale inio Jisu ta o nianiiekatake Jelepade kale, ni ipu poso kale nio vota ota saqorake sai kazo ni ota evake Olive Ore sama Sopu kale.

Luke 22:39

Ni Jisu ta o vaekake ko Jerusalema peuru ni vota ota olake Olive Ore sama Sopu kale obeta kavani zio kiada keru jari, ni voko disaipeli madu ta ke olake vo sate.

Jone 8:1

Ni sea kiadamu ta keta vaitake pade kasi, melai Jisu ta ota peatake Olive Ore sama Sopu kale, ni vota ota raneake sai.

Iruruputo 1:12

Nio koko tova inio se apositolo madu ta keta vaitake Jerusalema Olive Ore sama Sopu kale azo, omadeu kilomita jari koko vaṉa Jerusalema peuru kale azo.