Matiu 20:23 - BAṈARA KO VAIRU AMA LEVELEVEO

²³ Nio Jisu ta o kati tiorikake nioqa ni eri kiolake, “Tuvevo qeta roveovou aṉa jaria tolailo elo, melai aṉata puliama pizato tu a zarieqelo qe tu qe papuvou aṉako palo ni made rana. Ako koa zae ta vo Baṉara inio o katimou se oma inainaekani,” kiolake.

Matiu 20:23 교차 참조

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Matiu 20:24

Nio koko tova so keru sea toni disaipeli ke viqa keru koa paseto seta kekai matu korakoraivake nioqa tamania.

Matiu 25:34

Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Maka 10:40

Nio Jisu ta o kati tiorikake nioqa ni eri kiolake, “Tuvevo qeta qeta roveovou aṉa jaria tolailo ni bapitaiso elo, melai aṉata puliama pizato tu a zarieqelo qe tu qe papuvou aṉako palo ni made rana. Ako koa zae ta vo Baṉara inio o katimou se oma inainaekani,” kiolake.

Iruruputo 12:2

Ni vota o voake vo Jemisi, Jone vo kaka, ni seta ke lezuevake vo.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

1 Koriniti 2:9

Sokale avo inio ko Tabu ama Riki ta so kikola, “Aqasiele ama quli ko puliala kala pado maba lula o keako ni o viqako quli, ni ko puliala kala pado maba lula o kerukeruekako ikio ko quli lula Baṉara oma inainaekake tu o katimo se vo ke roquevani,” kikola.

2 Koriniti 1:7

So sole eṉeta ṉeqai uria nianiia koa meko kai zomano koa tola eṉeko tola poso, ni eṉeta ṉeqai nianiia ko Sokale avo inio me melai me qovou koa tauvezato ko eṉe ṉe qoako jari ama.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Hiburu 11:16

Melai koa qulepo ama peuru seke zuatikema ta aukale ama peuru. Sokale inio vo Baṉara ta ota zoleiva tu seta ke kasevo vo ta vota sevo Baṉara, ako vota lula o inainaeke kama pado zae tu se kaqe sole.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.