Matiu 20:14 - BAṈARA KO VAIRU AMA LEVELEVEO

¹⁴ Tu koa ṉoko tabara ni ola ṉo bade kasi, ako aṉa inio koko raki sole nio a qativa koa omadeuma tabara vo ṉoko tova o tanitalani iruruputo.

Matiu 20:14 교차 참조

Matiu 20:13

“Nio voa kiaro ko tanala ta eri kiolake kala kasi, se azo, ‘Lolo, aṉata pui a ubeubeṉa ṉo, ako ṉota ṉo ṉavi nio ṉo vinaeke koa omadeu ṉaniu ama iruruputo ko male ama tabara sole, kive?

Matiu 20:15

Ako a ṉavi nio koko pizato salala sole tu aṉa iko avo a ikou aṉako takula sole ṉota pui ṉo qonoilou,’ kiolake nea tanala.”

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:2

“So sole so keru meme buarou keru tu me dauvemou se olaquamu meta pui meqai aikailou ko omadeuvo se kekai lipalipaitani ko sidopu ke kavani jari, meko ilusato ko pade kale ni matu keve tona. Seta so ke kava tu maba poso ta ke melo se tu ke rauraemo. Melai aṉata a bazuemela me, seko reketekete ta puliama Baṉara kasi, ako seta lula ke koa seko reketekete maba kasi sole.

Matiu 6:6

Melai meta pui so me qalou. So keru meme vararaitou keru meta me amaqeovou meko lose kale ni me dibulikou ko veutu, ni me vararaitou mevo mutamuta kala Mama kasi, vo puliala o veani, ni mevo Mama vo o keani ko meme erekako quli moiza kalo kale, vo inio o katimelou me meko reketekete.

Luke 15:31

Nio mama kala ta o vati tiorikake vo ni eri va kiolake, ‘Meqora, ṉota ṉo eva kiada keru aṉa kasi ni kiadama aṉako quli ta ṉoko ikio.

Luke 16:25

“Melai Ebarahami ta o vati tiorikake ni eri kiolake, ‘Kerukeruto, mabuzu, so keru ṉoṉo jaeve keru ta ṉo qoe kubo ṉoko lomaloma uri ama, so keru Lazarasi o ṉeamuke keru ruqe ama lomaloma poso. Melai erisaṉa vota o patuka ni o zoleiva koi, ni ṉota ṉo eva tola kale.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Romu 3:19

Animeta me baqumuka ko Bazu kikolani ta ko kaseiva sea kiadamu kasi, se koa Bazu ko pizato kale ke evani, tu kota ko epeziko maba poso kati zolio seko ruqe, tu pado ama peuru ma peuru kale amu ta ke elo vo Baṉara ko titizato kale.

Romu 3:4

Maba pui! Melai vo Baṉara ta matu tuvevo ala se lipalipa kama maba madu kasi azo. Ko Tabu ama Riki va kikovevo jari, “Noko sidopu ta ko tuvevo puilou ṉoṉo besiovou keru, ṉota ṉo bizatou se maba poso ṉo kuiripato saṉa iṉo kale ṉo.”