Matiu 2:13 - BAṈARA KO VAIRU AMA LEVELEVEO

¹³ Lula se keta vaita saita inio kala pado vo Baṉara vo mateana ta o puratake Josepa kasi voko uloi kale ni eri kiolake, “Vo Herodi ta mainio opa vailivou voa meqora tu o vouvaevou vo. So sole toirate tu vati soqoi voa meqora ni voko niania Ijipi peuru kale, nio sai mebeta elou saita, ti kobeta barou so keru aṉa vaitomo mela kiavou keru koi Izireli.”

Matiu 2:13 교차 참조

Matiu 1:20

So keru vo soa kerukeru obeta eva keru inio vo Baṉara vo mateana ta eri va kiolake voko uloi kale, “Ṉoela, Josepa, vo Devita ko vikuvikula kalea laṉa, ṉota pui ṉoda ka kaikuapou raeko ko Mere tu ṉoko reko kaqe. Ako vo Tabu ala Auvana ko naizato kale inio epia ko eva sole.

Matiu 10:23

Ni seke melai kaikuapou keru me matu peuru kale, meta me joqoilou mata kala zavaṉa kale. Tuvevo avole aṉata a bazuemela me, puliako okotiko meko iruruputo kiadama Izireli matu peuru poso kale inio aṉa maba a eveni lala ta ada vaitou.

Matiu 2:12

Nio seta keta vaitake ke peuru kale edoloma keve kude ako vo Baṉara ta o kaqarimake se uloi kale tu pui ke vaito Herodi kasi sole.

Matiu 2:14

So sole Josepa ta o toiratake, nio koa ipu inio o vati olake voa meqora ni voko niania Ijipi peuru kale,

Matiu 2:16

So keru vo Herodi o paqumuke keru se ṉaniu ko peatakoi vasi azo ke kuevini ko lipaevo vo, vota ota matu iqaike. So sole vota o soroemake se solodia madu tu ke vouvaemo kiadama lasive meqora poso, se omuqa sabere amu kasi azo ti koko zara kamu, sai Betelihema peuru kale amu ni koko ketaketa amu. Vota o erekake koa kalo, ko suti ko purato ko taku ko lulueko kale ko okai nianiima sekasi azo seke kuevini ṉaniu ko peatakoi vasi azo.

Matiu 2:22

Melai Josepa ta ota ṉake tu vota o vaito Jiudia rana ako vota o viqake ta Akeleasi nio lula o besieva vovo mama Herodi, ta vo inio saizala aikovakova. Melai vo Baṉara ta o bazuevake vo voko uloi kale vo o kalo avo, so sole vota ota olake Qalili rana.

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Iruruputo 10:7

Ni vo mateana ta ota olake, nio Koniliasi ta o nokaekake omuqa voko nabulu kidi ni kala vovo pazokinio ko maba vota kala vararaito ko maba, voko matu sipole o iruruputani.

Iruruputo 12:11

Ni so keru pado inio Pita ta o paqumukake ko quli ko ereima vokasi, so sole eri kiolake, “Erisaṉa aṉata a baqumuka ta kota matu tuvevo! Vo Baṉara inio o soroevala vovo mateana tu o pakielo aṉa Herodi ni kiadama quli se Jiu amu kelai ereko aṉa ka kikelako quli kale azo,” kiolake.

Iruruputo 12:7

Ni ota podoloa koi vo Baṉara vo mateana ta o lojoake sai, ni o zakaremu ta ko taloake koa lose kale. Ni vo mateana ta ota va tupiekake Pita ko ropa, ni o toirativake vo, ni eri kiolake, “Taukavole! Zolai!” kiolake. Ni koa seini ta kota rupasiake ni kota piake Pita ko ṉase topi azo.

Iruruputo 16:36

So sole vo pirito pade o kati vailani ta o bazuevake vo Paula, ni eri kiolake, “Nioqa titizato ko maba kidi ta bazu qo soroeka tu ṉo ni Sailasi ta qe rupasiovou kikolako. Sole qeta qe zolailou erisaṉa, ni olako bule kale,” kiolake.

Iruruputo 5:19

Melai koa ipu kale inio kala pado vo Baṉara vo mateana ta opa veukake koa pirito pade ko tibulu poso, ni o saqorimake se apositolo madu, ni eri kiolake sekasi,

Iruruputo 7:19

Ni vota o ubeubemake animeko taite poso ni vota o niumaniumaemake se, vota o zuruzuruemake se tu seta ke kupemo seko salua poso seko pade kale azo, tu ke vouvou sai kiolake.

Kelokelozato 12:14

Ni kota koka puariziake omuqa matu zabu zako ko jari ama tu kota ko akazo ni ko zio koko zaekale ko koka inainaima koa lealea kama zaekale, sai koko uria eloa koi zouke sabere varimuja kaboso, sai voa matu dole pui o roveakoi kai barolo ko.

Kelokelozato 12:4

Ni vota o rajaekake matu kubo suti poso, zoukezouke suti kale azo inio omaomadeu suti o rajaekake, ni o risaekake miduku kale. Voa matu dole ta o lojoake koa rekoreko ko kuleto tu vota ota ka vuo kovo meqora eria alilivo ko elou ti.

Kelokelozato 12:6

Koa rekoreko ta kota soqoike lealea kama zaekale sai vo Baṉara lula oka inainaekakoi, sai koko tauveziovoa koi zouke sabere varimuja kaboso ko poro kale.