Matiu 19:28 - BAṈARA KO VAIRU AMA LEVELEVEO

²⁸ Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.

Matiu 19:28 교차 참조

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 19:27

Ni Pita ta o kuimaevake vo Jisu ni eri kiolake, “Noi nio eṉe, ṉoko disaipeli madu ṉela, ako eṉeta lula ṉe vaeke eṉeko kiadama quli tu ṉe lulueṉo ṉo, sole loma uri ama quli kio ko ṉela ereilou eṉe?” kiolake.

Matiu 20:21

Nio Jisu ta o kuimaekake koa reko, ni eri kiolake, “Loma quli kio ṉota ṉoqai zaria?” kiolake. Nio kota ko vati tiorikake ni eri kikolake, “So keru ṉo lekasa ṉo elou keru, aṉata aqa zaria tu ṉota ṉo zariekou nioqi aṉako meqora kidi ta qo papuvou ṉo sate, kala ta ṉoko palo rana ni kala ta ṉoko made rana,” kikolake.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Matiu 6:33

So sole meta atanaziekomo koa saevo vo Baṉara ko lekasa puo kale ama ni me erekou vo oka zariako quli, nio vota mata o katimelou kiadama quli meko saevo ko korotiko ama.

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Maka 10:37

Nio nioqata qo vati tiorikake ni eri kiqolake, “Eqeta qekai zaria papu ṉo sase, so keru ṉoṉo bapuvou keru ṉoko ṉaṉaidara kama lekasa puo ko papupapu topi, kala ta ṉoko palo rana ni kala ta ṉoko made rana,” kiqolake.

Iruruputo 3:21

Vota obeta elou aukale ti kobeta barolou kiadama quli vaini ko elou keru omadeuvo vo Baṉara kiovevo jari voko tabu ama poropita madu kasi se lulavo ke eveni.

2 Timoti 2:12

Animeta me bataitou tapata kale nio animeta me lekasa puovou vo sase. Animeta meda va zoliovou vo nio vo melai ota mela zoliovou anime.

2 Pita 3:13

Melai animeta me dareka vo Baṉara leveleveo o ikema, koa vairu ama au ni vairu ama miduku se sidopu ama maba poso ke eloa koi.

Kelokelozato 11:16

Nio sea karabete ariku lekasa poso seke papuani ke papupapu topi vo Baṉara ko kuleto ta ke loqunake ni seta ke ilusivake vo Baṉara,

Kelokelozato 12:1

Ni kama pado ṉavaṉavala kama quli ta ko puratake okale aukale vasi. Kota kama pado rekoreko okai taloako vo ṉaniu ni vota koko sabosabo jari, ni vo kaboso ta koko kiti vima koko lojoako ni toni omuqa suti sama lekasa ko tarapae ko kiakako koko lezu topi.

Kelokelozato 20:4

Sai nio aṉata a qeake kama lekasa ko papupapu poso, ni sea maba poso sai ke papuani; seta ke koake ko titizato ko pizato tu seta ke ereko ko titizato. Ni aṉata mata a qeake seke lezuemeni maba poso ko auvana se kekai bazubazuteni koa tuveano vo Jisu o puratikema ni vo Baṉara ko bazu. Se pui kepa ilusiveni vo biaṉa ni voko beku, ni se pui kepa koeni vo biaṉa ko mamola seko kape poso topi ni seko ṉase poso topi. Se inio ke saeve ni aikovakova poso ke eve ni ke lekasa puake vo Karisito sate omadeu vuro sabere ko tiania.

Kelokelozato 21:5

Ni vo o papuani lekasa ko papupapu topi ta eri kiolake, “Erisaṉa aṉata vairu a ika kiadama quli!” Ni vota mata eri kiolake aṉa kasi, “Ṉota rikieka komia pesio poso ako kota tuvevo ama ni kerula kama sole.”

Kelokelozato 22:2

ni kota ko rerea koa matu peuru ko keve ko kolabale. Koa orori ko omuqa tana topi ta ko qotupa koa noqola kama saevo ko katimako ore, koko epamatako toni omuqa taku omadeu sabere kale, kota ko epamata kaboso poso sole, ni koko leko ta peuru ma peuru kale ama qoqono poso mai urikiko lomaloma.

Kelokelozato 22:5

Sai ta puliama ipu kopa elou, ni seta pui kepa ka zariovou ko juke ni ṉaniu ko zakaremu, ako vo Baṉara sevo Lekasa inio sevo zakaremu o elou, ni seta aikovakova ke elou latau ṉaniu ni ka ṉaniu.

Kelokelozato 3:21

Nio seke koqotaeko amu ko ruqe ta a zariemou tu seta ke papuvou lekasa puilo aṉa sase aṉako papupapu topi, omadeuvo aṉa lula a qoqotate jari ni abeta papua lekasa puilo a Mama ko papupapu topi.

Kelokelozato 4:4

Voa papupapu ko levolevoani tetebara kale ta mata kobeta evake mata karabete ariku papupapu ko karabete ariku lekasa poso kebe kai papuako se tapo sabosabo amu, ni qolo tarapae ke kiakani seko lezu topi.

Kelokelozato 7:4

Ni aṉata ada ma viqake seko ataataiti se Baṉara ko kejo ke kape poso topi samu ta seta 144,000 madu inio. Seta koa toni omuqa Izireli toutou kale amu inio,