Matiu 18:7 - BAṈARA KO VAIRU AMA LEVELEVEO

⁷ Matu ruqe ama quli kio komai barolou komia peuru ma peuru kale ama maba poso ako seta ruqe ke ima maba poso sole seko oqu kale. Soama ruqe ama iruruputo ta pui kopa epezou komia peuru ma peuru kale, melai matuma koqotato ikio ke kovou sea maba poso seke saruemani edolomu!

Matiu 18:7 교차 참조

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Matiu 26:24

Ako aṉa maba a eveni lala ta soa vou inio a elo avo ko Tabu ama Riki kikovevo sole. Melai matu ruqe ama quli kio kovai barolou voa maba vo o saiqorilo ala aṉa maba a eveni lala, ni noni kaqe inio ota alile?” kiolake vo Jisu.

Maka 13:7

Ni so keru meme viqou keru ko matuma pazokinio ko bazu ni ke ṉavio kude kanaekinio ko bazu melai meta pui me ṉalou, ako ko quli poso ta kota ereilou inio sole, melai pui ko ikio peuru ma peuru ko paitopaito.

Luke 17:1

Ni Jisu ta eri kiolake voko disaipeli madu kasi, “Ko quli se maba poso ko saruemo ama tu ruqe ke ereko ta ko ereilou, melai matuma koqotato ikio ke kovou sea maba poso seke saruemani edolomu!

Jone 17:12

Ako so keru aṉa a mati eve keru miduku kale aṉata a mati vaile ṉoko ṉi ko pizato kale, koa ṉi ṉoṉo qatilema aṉa kale. Aṉata a mati vaile se ni puliala kala pado ta opa mumai, melai vo okai zuateni ko mumailo o kiada inio o mumai, tu ko Tabu ama Riki kikovevo ta tuvevo ko elo.

Iruruputo 1:16

“A baerebaere poso mela, Tabu ama Riki kale ko kaseima quli ta lula tuvevo kota eva Tabu ala Auvana o kasekema Devita kale kude, vo Jiudasi ko pidokivo kale, vilua pikopiko oma eveni se Jisu ke noqoeveni. Ni kota ko malezikake ni so ko kake, ako Tabu ama Buka kale ama pidokato ta ko puratika kiada keru koko epa sole.

1 Koriniti 11:19

Ako zakaremu ko pitasio ta kota elou me tona tu se sidopu amu ta ke uria keazailou.

1 Timoti 6:1

Se mabaku poso ta keta ma uria paṉaovou seko tanamu, tu puliala ta ruqe kaseko o elou vo Baṉara ko ṉi ni animeko nianiiekato.

Taitasi 2:5

tu nia vairu ama rekoreko poso ta ke uria odizio ke ṉavi ni pui ke pauvezato, tu uria iruruputo ke elo pade kale seko lasive poso ko zorimo kale; so inio puliala ta ruqe kaseko o elou vo Baṉara kasi azo ko kuevako bazu.

Taitasi 2:8

Ṉota kaseka uri ama pesio, ko se maba poso pui ke roveako titiziko, so inio ṉoko kana madu ta ke quratou, ako seta pui kepa kelou seke kaseko ama ruqe animeko.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.