Matiu 18:35 - BAṈARA KO VAIRU AMA LEVELEVEO

³⁵ “Omadeuvo so jaria koqotaemelo inio o elou aṉavo aukale ala Mama so keru me pui me mati odouvikiniou keru meko lolo poso meko pado ama bulo kale,” kiolake vo Jisu, nio o paikake voko bazubazuto.

Matiu 18:35 교차 참조

Matiu 18:34

So sole vo lekasa ta ota matu korakoraivake ni vota o soroemake se tu seta ke vaevou vo pirito pade kale tu sai nio vota o koqotailo, ti kobeta barolou ko taku voko besieko voko matuma lipulipu.

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Maka 11:25

Ni so keru me vararaito kimevou keru meta meda ma akoekou saita seko sarueko seke saruekani mekasi. So inio mevo aukale ala Mama ta ota mela akoekou ko meme erekako sarueko,” kiolake vo Jisu.

Luke 16:15

Nio Jisu ta eri ma kiolake se, “Me inio ko me, me sidopu meqai rairiziani mela me ṉavi se maba poso ko vilu kasa, melai Baṉara ta obe paqumuka meko bulo poso kale ama ruqe. Ako koko matuma kio ni kalo sama ka kikelako se maba poso ta kuvaruvaru ama quli ikio vo Baṉara ko kelokelozato kale.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

Jemisi 3:14

Melai meta me dukiekou bulo kale ko konoilo ni muino, ta meta pui aikailo sidopu kai lipalipaito kale.

Jemisi 4:8

Kuemo Baṉara ko sipole, ni vota o kilou meko sipole. Meta liliziomo meko sarueko poso kale azo, me sarueko poso samela! Rurubiatana ikomo meko bulo poso, mea maba poso mela me meqai lipalipaitani mela ko sidopu!

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.