Matiu 18:31 - BAṈARA KO VAIRU AMA LEVELEVEO

³¹ Ni so keru kake voko lolo poso ke kea keru ko quli voa kuleto ala nabulu o erekako nio seta matu duki keta eve ni ke olake voa lekasa kasi vai bazuekole ko quli koko ereivake quli.

Matiu 18:31 교차 참조

Matiu 14:9

Ni so keru vo lekasa o viqa keru koko zario, vota matu duki ota evake melai vota lula piza kama leveleveo o ereke kokasi sea maba poso o taipazimeni ko tanama kale, so sole vota o soruemake voko solodia madu tu seta ke ereko koko zario.

Matiu 18:28

“Melai voa maba ta o saqorake ni o toraevake kala vovo baerebaere vo o kativeni sike dola, nio vota o olake ni o noqoevake vo ni eri kiolake, ‘Ṉota taukavo besieka noko lipulipu,’ va kiolake.

Matiu 18:30

Melai nea kuleto ala maba ta pui okai zaria taruano, so sole vota o bazuemake se maba poso tu ke vaevo nea omuqala maba pirito pade kale tu vota sai o elou ti kobeta barolou ko taku voko besieko voko lipulipu.

Matiu 18:32

So sole vo lekasa ta mata o tova nokaevake voa maba tu o tova vaito vokasi ni vota eri va kiolake, ‘Ṉota matu ruqea laṉa! Aṉata ada ṉati odouvikinia koa ṉoko matuma lipulipu ako ṉota ṉo basele aṉa tu aṉata a ṉati odouvou ṉo sole.

Maka 3:5

Ni Jisu ta o meake se ni omai korakoraivake, ni mata duki ota evake, ako seta matu meomeo kamu ni keta saruiva sole. Nio Jisu ta eri kiolake voa maba kasi, “Ṉota totozika ṉoko ṉase,” kiolake. Ni vota o totozikake ni kova pizatake koa ṉase.

Luke 14:21

“So sole voa nabulu ta o vaitake ni vota ovai bazuekake vovo lekasa ko quli poso. Nio koa pade ko lekasa ta ota matu korakoraivake ni eri va kiola vovo nabulu, ‘Taukavole ola matuma ni silo ama keve poso kale peuru kale ko evako kale ni pa odiema ni ṉo mati kilou se ozaoza kamu, ni loke amu, ni se leqa kamu, ni se lepu amu!’

Luke 19:41

Ni vota o baroake Jerusalema matu peuru ko ketaketa, ni so keru vo o keve keru ko, vota oka ziake ko,

Romu 12:15

Mati zomanomo zoleilo seke zoleivani, ni zomanomo zialo seke ziani sase.

2 Koriniti 11:21

Aṉata ada qurata tu kaseko ko aṉata pui aba roveovi so imelo me! Esa aṉata matu lekulekua lala inio so, ma noi nio esa? Melai aṉata abeta ziovou sarube puto ni eri kiavou: kala maba ta ikoana sala vo okai rauraraurailo ama quli kiovou, nio aṉata avai paloasani lala vo kiavou.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.