Matiu 18:15 - BAṈARA KO VAIRU AMA LEVELEVEO

¹⁵ Vo Jisu ta obeta olake bazubazuto ni eri mata kiolake sekasi, “Kala ṉovo lolo ta sarueko o erekou ṉokasi, ta ṉota tutumazi avole ṉovai ziovou voa sarueko sala ni ṉoba sidopu puevou vo melai ṉota ṉo erekou komia sidopu puto qe kiada koi. Nio vota ota ṉa zorikou ṉoko sidopu nio vota mata ṉovo lolo o elou.

Matiu 18:15 교차 참조

Matiu 18:14

So pado jari nio mevo aukale ala Mama ta pui oka zaria tu kala nia meqora poso jari amu kale ala ta noqola tolailo o elou heli kale,” kiolake.

Matiu 18:21

Nio vo Pita ta o olake Jisu kasi ni o kuimaevake vo ni eri kiolake, “Lekasa, aṉavo lolo ta pui o epezou ruqe ereko aṉa kasi, ta latau taku inio aṉata a vati odouvikiniou vo? Sikeura taku kio?”

Matiu 18:35

“Omadeuvo so jaria koqotaemelo inio o elou aṉavo aukale ala Mama so keru me pui me mati odouvikiniou keru meko lolo poso meko pado ama bulo kale,” kiolake vo Jisu, nio o paikake voko bazubazuto.

Romu 12:21

Meta pui zarieko ko ruqe tu kota zara ko imelo me; melai meta koqotaekomo ko ruqe uri kale.

1 Koriniti 8:12

Komia keve kale kude meta me jaruekou vo Karisito kasi meko saruemo kale se meko lolo poso ni tama niumaeko kale seko lekuleku ama kerukeru.

2 Koriniti 7:12

So sole, aṉako mela rikieko koa lulama riki ta pui vo lula o saruekani kale avo ko kiada ni mata pui vo o sarueveni kale avo ko kiada inio! Melai aṉata a rikiekake ko tu vo Baṉara ta o mela kaseko me meko roqueṉelo eṉe.

Qelesia 6:1

A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.

Kolosi 3:13

Meta tauvekiniomo, ni odouvikiniomo me ṉavio kude so keru kala me azo o ketuketuevou keru kala edolola. Meta odouvikiniomo me ṉavio kude omadeuvo vo Lekasa Jisu ta lula o melati odouvikinie me jari.

1 Tesalonaika 4:6

Puliala maba ta otao o ivo vovo lotu kale ala lolo voko reko tava kamako kale. Eṉeta lula ṉe melai bazueka me komi, ni ṉe matu balauvimele me, ako vo Baṉara ta o koqotaemou nio sole seke ereko amu soama quli.

2 Tesalonaika 3:15

Meta pui kala kana jari me ivou vo, melai meta kala visi jaria balauvivo emo.

Taitasi 3:10

Katima omuqa balauvato sea maba poso seke erekani ko pitasio poso, melai so kebeta kalou ta ṉota pui mata ṉo mati lolopareovou se.

1 Pita 3:1

Ni koa omadeuma kalo kale inio me rekoreko poso mela ta me zorimou meko lasive poso. So inio meko lasive poso ta pui kebe tuvevo puekou vo Baṉara ko Bazu melai meko uri ama kalo kale inio meta me lilimou se tu seta ke zorikou vo Baṉara ko Bazu, pulia quli mebe kasekou melai.