Matiu 17:20 - BAṈARA KO VAIRU AMA LEVELEVEO

²⁰ Nio Jisu ta eri ma kiolake se, “Meko oqu ta matu silo inio pui me rovea. Melai tuvevo ama quli aṉata a melai bazuekou, meko oqu ko matu ta pui kokai paloasou koa matu mina kama masitadi ore ko rui, melai meta meda roveovou eri kio koa sopu kasi, ‘Vatute ni papi edolokoi!’ kimevou ni kota so kota kalou. So sole pulia quli ta tapata kopa elou mekasi.”

Matiu 17:20 교차 참조

Matiu 13:31

Ni vo Jisu ta mata o mati nianiiekikake mata kama pado podepodeti ni eri kiolake sekasi, “Vo Baṉara ko lekasa puo ta omadeuvo matu silo ama masitadi ore ko sisu jari, vo maba o papakako voko kiaro kale,

Matiu 14:29

Ni vo Jisu ta o vati tiorikake ni eri kiolake vokasi, “Kua koi.” Nio vo Pita ta ota saqorake koa vaka topi azo ni ota taliake ivere topi tu o toraevo vo Jisu.

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Matiu 17:19

Koko tova inio se disaipeli madu ta ke olake Jisu kasi ke kiadakoi, ni eri kikelake, “Noi sole inio eṉeta pui ṉe rovea reriko ko ziolo?” kikelake.

Matiu 17:9

Nio seke saqora keru sopu kale azo, nio Jisu ta o bazuemake sea zouke disaipeli madu ni eri kiolake sekasi, “Mata puliala mevai bazuekou koa kelokelozato meme qeako ti kobeta barolou aṉa maba a eveni lala ko mata saevo voukale azo.”

Matiu 21:21

Nio vo Jisu ta o mati tiorikake ni eri kiolake, “Aṉata a bazuemela me, meta tuvevo putomo ni pui niuniala elo nio meta me roveovou ereko aṉa a erekako iruruputo jari ama nea piqi ore kasi. Ni pui koko kiada melai meta eri kimevou koa sopu kasi, ‘Zolai ni piave ivere kale!’ ni kota so ko kalou.

Matiu 8:26

Ni vo Jisu ta eri ma kiolake se, “Noi sole inio meta meda ṉava? Meko oqu ta matu silo!” kiolake. Ni vota o lojoake ni o kaqarikake ko ururu ni boguzu ni kota kota jamaoke; ni manilo kota evake.

Maka 11:22

Nio Jisu ta o mati tiorikake ni eri ma kiolake, “Meta vai oqumo vo Baṉara.

Maka 11:23

Aṉata a bazuemela me, kala ta eri kiovou komia sopu kasi, ‘Zolai ni piave ivere kale!’ kiovou, ni vota pui niuniala opa elou voko bulo kale, melai o tuvevo puekou vo o kasekako quli ta kota ereilou, so inio Baṉara ta ova erekou voa maba.

Maka 4:31

Kota matu silo ama masitadi ore ko sisu jari, vo maba o papakako voko kiaro kale, ni koko sisu ta matu mina kama komia peuru ma peuru kale ama ore ko sisu azo.

Maka 9:23

Nio Jisu ta eri va kiolake, “Ṉota ṉo basela aṉa tu aṉata a dauvemelou me. Melai vo maba ovai oquvo ala vo Baṉara ta kiadama quli ti olu vokasi,” kiolake.

Luke 1:37

Ako vo Baṉara ta o rovea ereko kiadama quli sole,” kiolake.

Luke 17:6

Nio vo Lekasa ta o mati tiorikake se ni eri kiolake, “Meta masitadi ore ko sisu silo ama jaria pado ama oqu samela tea, me roveo nio kati pesio komia ivili, ‘Rabui ni pa papai ivere kale!’ kati kimevo ti kota ko zorimelo inio,” kiolake.

Luke 18:27

Nio Jisu ta o tiorizatake ni eri kiolake, “Ko pui ko roveako maba madu kasi ta ko rovea vo Baṉara kasi,” kiolake.

Jone 11:40

Nio Jisu ta eri ka kiolake ko, “Pui ṉo qerukerueka aṉa ṉati kiavevo ta ṉota ṉo qelou vo Baṉara ko ṉaṉaidara ṉo duvevo putou ta ṉa kiavema kio?” kiolake.

1 Koriniti 12:9

Mata kala ta o kativa voa omadeula Auvana ko piza kama oqu, ni mata kala maba ta o kativa ko pizato tu urikato.

1 Koriniti 13:2

Aṉata Baṉara kasi azo ama bazu kai pesio ko pizato saṉa abe elou, ma abe paqumukou kiadama mutamuta kama quli ni kiadama nianiio Baṉara kasi azo ko kuevako saṉa abe elou, ma aṉata matuma oqu salala koko roveovou vatutiko ko sopu poso, melai aṉata puliama roquano salala tea, aṉata pulia quli jari nio.

Hiburu 3:19

So sole animeta me vakakuma ta seta pui kepa roveovi amaqeo koa zaekale, ako seta pui kepa tuvevo pueke vo Baṉara kiovevo sole.