Matiu 16:27 - BAṈARA KO VAIRU AMA LEVELEVEO

²⁷ Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 16:27 교차 참조

Matiu 13:41

Ni vo maba o eveni ta o soroemou voko mateana madu tu seta omadeu saqorimo kepa elou Baṉara ko lekasa puo kale azo, sea kiadamu seke zolizoliemani se maba poso tu ke sarueko ni mata sea kiadamu seke erekani ko ruqe ama quli,

Matiu 13:49

Ni so jari pado inio ko kalo avo komia peuru ma peuru ko paitopaito keru. Vo Baṉara ko mateana madu ta ke kilou ni ke pitasimou se ruqe amu sidopu amu kasi azo.

Matiu 24:30

Ni ko quli ko tova inio aṉa maba a eveni lala ko mamola ta ko podakou aukale, nio kiadama maba madu miduku kale amu ta duki keta elou ni keta zialou, ni aṉa maba a eveni lala ta a qilou aukale ama leikale ni seta ke lelou aṉa a bizato ni aqasiele ama ṉaṉaidara sate.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Matiu 26:64

Nio vo Jisu ta o vati tiorikake ni eri kiolake, “Tuvevo ṉo kiṉolani nio. Ni aṉata a bazuemela me, tova inio meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Maka 14:62

Ni vo Jisu ta o vati tiorikake ni eri kiolake, “Tuvevo aṉa inio. Ni meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 21:27

Ni koa taku kale inio aṉa maba a eveni lala ta a buratou, ni aṉata a qilou lei ko valuvalu ni se maba poso ta ke lelou aṉa aṉako matuma pizato ni ṉaṉaidara sase.

Luke 22:69

Melai vairutu azo aṉa maba a eveni lala ta a bapuvou vo Piza kala Baṉara ko palo rana tu a lekasa puo,” kiolake.

Luke 9:26

Ako voa maba vo ota la qurato ala aṉa ni aṉako nianiiekato, vo inio aṉa maba a eveni lala ta ada va zoliovou voa maba so keru aṉa a vaitou keru aṉako ṉaṉaidara kale ni a Mama ni voko mateana poso ko ṉaṉaidara kale.

Jone 21:22

Nio Jisu ta eri kiolake vokasi, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio. Ṉota luluela aṉa kio!” kio.

Jone 21:23

So sole Jisu ko so kio kale avo, bazu ta ko aerake ta voa disaipeli ta pui opa vouvou kio sama, seke luluevani vo Jisu kasi. Melai Jisu ta pui opa kaseke ko vota pui opa vouvou kio. Eri pala inio kiolake, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio,” kiolake.

Iruruputo 1:11

ni eri kiqolake, “Mea Qalili amu mela, noi sole inio meta meda lojoa koi ni me doiritoirizata aukale vasi? Nea Jisu vo obe koivani aukale ta omadeuvo mebe tava kea voko zio aukale so pado jaria vaito inio o elo avo,” kiqolake.

Romu 14:12

So sole animea kiada mela ta me qasekou animeko saevo vo Baṉara kasi.

Romu 2:6

Ako vo Baṉara ta reketekete saṉa o imou se ruqe ama maba poso seko ruqe ama iruruputo ko reketekete kale ni uri ama maba poso seko uri ama iruruputo ko reketekete kale.

1 Koriniti 15:23

Melai kalakala o ṉaviko taku kale inio vota o roveovou mata saevo. Karisito ta sevo kulekuleto ala vo o tuvevo puekani seko mata saevo, ni so keru voko mata vaito keru inio se kevai oquani vo ta mata ke saevou.

1 Koriniti 3:13

Ni kiadama maba poso ko iruruputo ko kalo ta ko keazailou so keru vo Karisito ko Ṉaniu kale kasa ko elou keru. Ako koa Ṉaniu kale ko uza ta ko madoekou koa iruruputo ko tuvevo ama epa ni koko male avo.

1 Koriniti 8:8

Melai ko sailao ta pui ko rovea sipole imelo anime vo Baṉara kasi. Animeta pui meba kai toraekou kama quli pui me quovou ta, ni mata pulia quli meba kai kovou me quovou keru koa sailao.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

Epesasi 6:8

Ni kerukeruekomo ta so me qalou nio tuvevo avole vo Baṉara ta o katimelou ko reketekete mea kiada mela, mabaku poso mela ni me pui mabaku poso mela, meko uri ama iruruputo ko ereko kale avo.

Kolosi 3:25

Se ruqe ke erekani ta keta ka kovou seke erekako quli ko vaitotola, ako vo Baṉara ta o titizimou kiadama maba poso koa omadeu podepodeti sama titizato kale sole.

1 Tesalonaika 1:10

tu tareko vovo Meqora ko vaito aukale azo. Vo inio vovo Meqora Jisu, vo lula o saeviveni voukale azo tu o pakiemelou anime vo Baṉara ko korakorailo koko kilo ama kale azo.

1 Tesalonaika 4:16

Ako vo Lekasa Jisu ta matuma velavelao kale o bazuemou se voumu tu ke saevo, ni mateana lekasa ta o kati padoekou voko kora, ni vo Baṉara ko kuvili ta ko kelaovou, ni o ṉavi Lekasa Jisu ta o saqorou aukale azo. Nio se lula ke vovini se kevai keruini vo Karisito ta ke saevou voukale azo ni ke koilou kuleto,

Jemisi 5:7

A lolo poso mela, meta inobea taruano emo, ti kobeta barolou vo Lekasa Jisu ko vaito ko taku keru. Keatini, vo papato ko maba ta o uria tareka ko uri ama epa miduku ko, ni vota o uria tareka ko nioro ni ṉaniu tu ko muqariko ko sailao.

1 Pita 1:17

Ako so keru meme vararaita keru Baṉara kasi ta Mama inio va kimela. Ni nea Mama inio omadeuma podepodeti kale o titiziko ala animea kiada mela ko iruruputo. So sole komia puju ama taku meme elou keru komia miduku kale meta meda va paṉaovou vo.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

Jiudi 1:14

Inoke ta varimujala koilokoilo Adami ko vikuvikula kasi azo, vo matu lulavo o mati pidokikeni ko eri, “Keatini! Vo Baṉara ta o kilou kubo voko tabu ama mateana poso sase,

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.

Kelokelozato 20:12

Ni aṉata a meake se voumu lekasa poso ni botoroa maba poso se kebeta lojoani koa papupapu ko kuleto. Ni se mateana madu ta ke redanikake se voumu ko iruruputo ko bazu sama buka poso, ni mata ka pado ko noqola saevo samu ko ṉi ko buka ta ke redanikake. Ni se voumu ta ke koake koko vaitotola ma koko reketekete ko se lula ke erekako ruqe ni uri kale avo, ko lula buka poso kale ko rikiziako kale.