Matiu 16:26 - BAṈARA KO VAIRU AMA LEVELEVEO

²⁶ Noi nio? Kala maba o ṉeamukani komia pado ama peuru ma peuru kale ama batiro melai okai suatani ko noqola kama saevo ta obe tauveziovo ala inio komia peuru ma peuru ama quli kale kio? Maba pui! Pulia quli ta opa katikou tu o kovo ko noqola kama saevo.

Matiu 16:26 교차 참조

Matiu 16:25

Ako kala vo oka zariani pakieko pala voko tupu kale ama saevo ta vota o niumaeka inio voko saevo tovama saevo kale ama, melai vo o ṉamuko ala voko tupu kale ama saevo aṉako luluelo kale ta o kovou noqola kama saevo.

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 5:29

Ni kama quli ṉoko saevo kale ama ta sarueko saṉa ko iṉou ṉo, ta ṉota ṉo ṉamukou ko. Kota tapata tu ṉamuko ko, melai uri tu ṉamuka, ako matu tapata kio tu ṉoko pado ama saevo ta ko ṉamuilou heli kale sole. Omadeuvo ṉota ṉo ṉamuka jari ṉoko palo rana vilu, ko ruqe ama zario saṉa ko iṉako ṉo, ma ṉota ṉo ṉamuka jari ṉoko palo rana ṉase ko ruqe ama kalo saṉa ko iṉako ṉo. Ako pui uri tu kiadama ṉoko saevo ta ko ṉamuilou heli kale omadeu pado ṉoko ruqe ama kalo ko saruilo kale.”

Luke 12:20

Melai vo Baṉara ta eri kiolake vokasi, ‘Noa sarubea laṉa! Komia ipu inio ṉoko saevo ta ko paitou, ni lala inio o ṉeamukou kiadama koa lomaloma poso ko ṉo lula ṉo inainaekema?’ ”

Luke 16:25

“Melai Ebarahami ta o vati tiorikake ni eri kiolake, ‘Kerukeruto, mabuzu, so keru ṉoṉo jaeve keru ta ṉo qoe kubo ṉoko lomaloma uri ama, so keru Lazarasi o ṉeamuke keru ruqe ama lomaloma poso. Melai erisaṉa vota o patuka ni o zoleiva koi, ni ṉota ṉo eva tola kale.

Luke 9:25

Noi nio? Kala maba o ṉeamukani komia pado ama peuru ma peuru ko batiro melai okai suatani ko noqola kama saevo ta obe tauveziovo ala inio komia peuru ma peuru kale ama quli kale, kio? Maba pui!