Matiu 15:33 - BAṈARA KO VAIRU AMA LEVELEVEO

³³ Ni se disaipeli madu ta eri kikelake vokasi, “Lai nio animeta me qelou ko sailao komia lealea kama zaekale nio me niaemou nia vaki?” kikelake.

Matiu 15:33 교차 참조

Matiu 14:15

Nio koko raisiraisi voko disaipeli madu ta kevai kuevake vo Jisu ni eri kikelake vokasi, “Erisaṉa ta matu raisiraisi ni koi ta ojolou kama zaekale, tu ṉota soroema nia maba poso ke peuru poso kale tu ke ṉavi kepa tatabarao ko sailao,” kikelake.

Matiu 15:32

Ni koko tova inio Jisu ta o nokaemake voko disaipeli madu tu ke zio vokasi, ni eri kiolake sekasi, “Aṉata a matu roquema nia maba poso, ako seta lula zouke ṉaniu keta eva sole anime kasi, ni vairutu seta puliama sailao samu melai aṉata pui aqa zaria soroemo se puliako niaemo, ako lekuleku ke ekale sole ke vaitou keru ke peuru poso kale,” kiolake.

Matiu 15:34

Nio vo Jisu ta eri kiolake sekasi, “Latau bereti kio ikoana mekasi?” Ni seta ke vati tiorikake ni eri kikelake, “Sikeura silo ama bereti ni kama niuniu,” kikelake.

Maka 6:37

Melai vo Jisu ta o mati tiorikake ni eri kiolake, “Me inio me niaemou sea maba poso,” kiolake. Nio seta eri kikelake, “Noni ko kalou inio animeta me roveovou niaemo nia vaki, ako varimuja kaboso ko tabara kale me qovo ama bereti melai pui me male,” kikelake.

Luke 9:13

Melai vota eri ma kiolake se, “Me inio me niaemou sea maba poso,” ma kiolake. Ni seta ke vati tiorikake vo ni eri kikelake, “Eṉeta sike silo ama bereti ni omuqa niuniu ko kiada ikio eṉe kasi, melai noi nio, ṉota ṉo ṉela zaria eṉe tu eṉeta ṉe zio tu ṉeba tatabaraeko ko sailao komia matu padopadoilo ko, kio?” kikelake.