Matiu 14:3 - BAṈARA KO VAIRU AMA LEVELEVEO

³ Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio.

Matiu 14:3 교차 참조

Matiu 11:2

Ni vo Jone Bapitaiso ta pirito pade kale obeta eva keru nio vota o viqake Karisito ko aqasiele ama iruruputo ni vota o soroekake omuqa voko disaipeli kidi vokasi,

Matiu 14:6

Nio vo Herodi ko alilo ṉaniu keru, ko Herodiasi ko meqora ta ko pekaoke Herodi ni sea vaki ko ubutiania, ni vo Herodi ta ota matu zoleike.

Matiu 4:12

Nio vo Jisu ta ota va viqake Jone ta ke amaqiva pirito pade kale nio vota ota olake Qalili rana.

Maka 6:14

Nio vo Lekasa Herodi Anitipasi ta o viqake vo Jisu ko aqasiele ama iruruputo ko bazu, ako koa bazu kokai zaroake sole koa kiadama zae poso Qalili rana ko evako. Ni kake maba poso ta eri kikelake, “Jone Bapitaiso inio ota tova saeva voukale azo! So inio vota pizato sala ni o ereka aqasiele ama iruruputo,” kikelake.

Maka 6:17

Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio.

Maka 6:19

Ni so keru azo inio ko Herodiasi ta kovai kaikuapake vo Jone ni kovai zariake vouvaevo, melai kota pui ko roveake,

Maka 6:22

Ni ko Herodiasi ko meqora ta ko amaqeake koa alilo ṉaniu ko ṉojola kale ni ko pekaoke tu seta ke kelo ko. Ni vo Herodi ni voko lolo poso ta kekai matu zoleike ko. Nio vo Herodi ta eri kiolake koa sinaqu rusu kasi, “Loma quli ṉo ṉoqai zariovo ama? Aṉata a qatiṉou ṉo.”

Maka 8:15

Ni Jisu ta o balauvimake se ni eri kiolake, “Taka balauvomo se Parese madu ni Herodi ko isiti,” kiolake.

Luke 13:1

Ni koa taku keru inio kake maba poso ta kevai bazuekake vo Jisu vo Paelati ko vouvaemo kake Qalili ama maba poso kio, so keru seke kativa keru vo Baṉara seko siqasiqa.

Luke 13:31

Ni koa taku kale inio kake Parese madu ta kevai kuevake vo Jisu ni eri kikelake vokasi, “Ṉota saqore koi kazo ni ola edoloma zaekale, ako vo Herodi ta oka zaria vouvaeṉo ṉo sole,” kikelake.

Luke 23:11

Nio Herodi ni voko solodia madu ta kevai balebaleitake ni ke zarazaraevake vo, ni seta kevai kiakake ko ileile ama rosia sabosabo ni ke vaitoevake Paelati kasi.

Luke 23:7

Ni seta ke bazuevake ta Jisu ta o kuevani Herodi o kati vailako zaekale azo kio, nio vota o soroevake Herodi kasi, vo obeta evani koa taku kale Jerusalema peuru kale.

Luke 3:1

Ni vo Baṉara ko bazubazu ta ko kuevake Jone kasi, Zekaraia vo meqora lealea kama zaekale, so keru vo Taibiriasi Romu ala Matu Aikovakova ko toni sike ama sabere keru voko lekasa puo kale. So keru inio vo Ponitiasi Paelati ta Qavuna o evake Jiudia rana, Herodi ta Qalili ala lekasa, ni vovo visi Pilipi ta lekasa okai evake ko Ituria rana ni Tarakonaitisi rana. Ni so keru inio vo Laisaniasi ta lekasa o evake Abileni rana, ni Anasi ni Kaepasi ta Ṉisa Siama qo evake.

Luke 8:3

ni Joana, Kuza ko reko Herodi vo raura kala nabulu, ni Susana, ni mata kubo rekoreko, se kemai tauvekeni Jisu ni voko disaipeli madu seko lomaloma ni seleni.

Iruruputo 12:1

Ni koa taku kale inio vo Aikovakova Herodi ta o taniekake naquemo kama lotu maba poso.

Iruruputo 4:27

Tuvevo avole Herodi ni Ponitiasi Paelati ta qo zomanake mati padoilo Jerusalema peuru kale se pui Jiu amu ni se Izireli amu tu ke korotiko seko vouvaevo vo Jisu, ṉovo tabu ala Nabulu ni vo ṉoṉo bitoeveni Pakio.