Matiu 14:19 - BAṈARA KO VAIRU AMA LEVELEVEO

¹⁹ Ni vota o bazuemake sea maba poso tu seta ke papu muli seulele topi, ni vota o koake koa sike bereti ni omuqa niuniu ni vota o tadatake aukale ni o kati vararaitake ni uriavo o kasekake Baṉara kasi. Nio vota o palamukake koa bereti poso ni o katimake se disaipeli madu, ni se disaipeli madu ta ke katimake se maba poso.

Matiu 14:19 교차 참조

Matiu 14:18

Ni vo Jisu ta eri kiolake sekasi, “Kati kuemo koa sike bereti ni koa omuqa niuniu aṉa kasi,” kiolake.

Maka 6:39

Ni Jisu ta o bazuemake voko disaipeli madu ni eri kiolake, “Meta bazuemomo sea vaki tu ke pitapitasio poqala poso kale ni ke papu koa paqauva seulele topi.”

Maka 6:41

Ni vo Jisu ta o koake koa sike bereti ni koa omuqa niuniu, ni o tadatake aukale ni o kati vararaitake ni uriavo o kasekake Baṉara kasi. Ni vota o palapalamukake ko bereti ni o katimake voko disaipeli madu, ni sea disaipeli madu ta kema puarikake sea vaki, ni mata oma puarikake koa omuqa niuniu sea kiadamu.

Maka 7:34

Ni Jisu ta o tadatake aukale vasi, ni ota voniu kozatake, ni eri kiolake voa maba kasi, “Epata.” Ako koko kio ni kalo Jiu pesio kale ta, “Pa, kive!”

Luke 22:17

Nio Jisu ta mata o koake ko kapa vaini ko ju sama, ni vota o kativake vo Baṉara voko uriavo ni eri kiolake, “Meta komo komi ni kai okotomo nozueko muli.

Luke 22:19

Ni vota o koake ko bereti, ni o kasekake voko uriavo sama pesio Baṉara kasi, ni o palamukake ko, ni o katimake se, ni eri kiolake, “Komi ta ko mamola pueka aṉako tupu, ako aṉata a mela vouvou me sole. Meta me erekou komi aṉako kerukeruelo kaqe.”

Luke 24:30

Nio vota o papuake nioqa sate, ni o koake ko bereti ni mauru o ikake, ni o palamukake ni o katikake nioqa.

Luke 9:14

(Ako sea maba poso sai ke eveni ta sike vuro lasive amu, ni pui kepa ataeme rekoreko ni meqora poso.) Nio Jisu ta eri kiolake voko disaipeli poso kasi, “Sikesike toni maba tiniavo papuemomo se maba poso poqala poso kale,” kiolake.

Luke 9:16

Nio Jisu ta o koake koa sike pado bereti ni koa omuqa niuniu, ni vota o tadatake aukale vasi ni vota o kati vararaitake ni uriavo o kasekake Baṉara kasi, ni o palamukake, ni vota o katimake ko voko disaipeli madu tu kema puariko se maba poso kiolake.

Jone 11:41

Nio seta ke bekolikake ko lado. Ni Jisu ta o tadatake ni o vararaitake ni eri kiolake, “Matu uri, Mama, ṉota lula ṉoda la viqa aṉa.

Jone 6:23

Nio kama koaka poso Taibiriasi ama ta ko varerike sai sea matu padopadoilo ke kiekoi ko bereti ko sipole, Lekasa o kati petaovima ta kubo ko evema.

Iruruputo 27:35

Ni voko so kio ko tova, Paula ta o koake kama bereti, ni vota o kasekake voko uriavo Baṉara kasi sea kiadamu ko tanama kale, ni vota o palamukake ko, ni vota o tanitake kuo.

Romu 14:6

Vo tabu o ikani ko ṉaniu ta ovai rauraeka vo Baṉara koa ṉaniu, ni vo o kuovo ala ko marabau vo melai ovai rauraeka vo Baṉara koa keve kale kude, ni vota o ilusiva vo Baṉara.

1 Koriniti 10:16

So keru anime me nozueka keru koa vaini ko ju ko anime mevai ilusikako animevo Lekasa ta ko kaseka animeko omadeu kai elo vo Karisito ko dara. Ni so keru anime me qua keru koa bereti anime me balamukako ta ko kaseka animeko omadeu kai elo vo Karisito ko tupu.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

1 Koriniti 11:24

ni ovai rauraekake vo Baṉara, ni vota so kiolake, “Komi ta ko mamola pueka aṉako tupu, ako aṉata a mela vouvou me sole. Meta kumo komi aṉako kerukeruelo kaqe,” kiolake.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.