Matiu 13:38 - BAṈARA KO VAIRU AMA LEVELEVEO

³⁸ Ni ko kiaro ta ko mamola pueka komia peuru ma peuru, ni ko uri ama rui ta sea maba poso vo Baṉara ko lekasa puo kale amu, ni ko rabu ta ko mamola puema se maba poso seke luluekani vo Setani ko vatolo.

Matiu 13:38 교차 참조

Matiu 13:19

Koa sisu koko piako keve tona ta ko mamola puema sea maba poso seke viqani ko bazu vo Baṉara ko lekasa puo ko, melai pui ke paqumukani. Nio vo Setani ta o kueva ni ota ma ṉamuka koa bazu koko piako seko bulo kale.

Matiu 24:14

Ni komia Uri ama Bazu vo Baṉara ko lekasa puo ko ta kekai bazubazutou komia peuru ma peuru kale tu kiadamu ta ke roveovou viqo. Sai kazo inio peuru ma peuru ta ko ruvurou,” kiolake vo Jisu.

Matiu 5:37

‘Uri’ kimevou ti ‘Uri’ pala kiomo, ‘Pui’ kimevou ti ‘Pui’ pala kiomo, melai meta pui me qasekou mata kama quli, ako kama quli maulu meqai pikou, ta kota vo Setani kasi azo ko kuevako ikio sole.”

Matiu 8:12

Melai se kuleto o pitoemeni tu voko maba poso kaqe ta ke namumou kutumana kale. Ni sai nio seke zialoa koi ni taka ke roinaroinaekoa koi.”

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Jone 12:24

Tuvevo avole aṉata a bazuemela me, vuiti ko sisu pui ko papailou miduku kale ni pui ko vouvou, ta omadeu pado sisu pala kobeta elou. Melai ko vouvou ta matu kubo sisu ko erekou.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Iruruputo 13:10

ni eri kiolake, “Noa Setani vo meqora ṉa! Ṉota kiadama sidopu ama quli vo kana ṉa inio. Ṉota koṉai sukata ko ruqe ama ubeubezato ni lipalipato, ni kiada keru ṉota ṉo madoekani ṉa lipato tava iko vo Baṉara ko tuveano!

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

Kelokelozato 14:6

Ni aṉata mata a veake kala pado mateana vo o akazani okate vasi okale, noqola kama ni uri ama bazu sala tu o kaseko se miduku kale ke evani maba poso kasi, kiadama toutou poso kasi, se aza pesiomu, kiadama qoqono kale amu ni se azaaza tupu amu kasi.