Matiu 13:31 - BAṈARA KO VAIRU AMA LEVELEVEO

³¹ Ni vo Jisu ta mata o mati nianiiekikake mata kama pado podepodeti ni eri kiolake sekasi, “Vo Baṉara ko lekasa puo ta omadeuvo matu silo ama masitadi ore ko sisu jari, vo maba o papakako voko kiaro kale,

Matiu 13:31 교차 참조

Matiu 13:24

Vo Jisu ta o mati nianiiekikake kama pado podepodeti ni eri kiolake sekasi, “Vo Baṉara ko lekasa puo ta omadeuvo kala maba jari, vo o papakani uri ama sisu voko kiaro kale.

Matiu 17:20

Nio Jisu ta eri ma kiolake se, “Meko oqu ta matu silo inio pui me rovea. Melai tuvevo ama quli aṉata a melai bazuekou, meko oqu ko matu ta pui kokai paloasou koa matu mina kama masitadi ore ko rui, melai meta meda roveovou eri kio koa sopu kasi, ‘Vatute ni papi edolokoi!’ kimevou ni kota so kota kalou. So sole pulia quli ta tapata kopa elou mekasi.”

Luke 17:6

Nio vo Lekasa ta o mati tiorikake se ni eri kiolake, “Meta masitadi ore ko sisu silo ama jaria pado ama oqu samela tea, me roveo nio kati pesio komia ivili, ‘Rabui ni pa papai ivere kale!’ kati kimevo ti kota ko zorimelo inio,” kiolake.

Luke 19:11

Nio so keru se maba poso ke viqe keru koa pesio poso vo o rukuekema, Jisu ta obeta olake vai bazuto kala pado podepodeti sekasi. Koa taku ta vota lula Jerusalema ko sipole ota baroake, ni seko kerukeru kale ta vo Baṉara ko lekasa puo ta taukavole kota barolou kikelake.

Luke 20:9

Ni vo Jisu ta omai bazuekake se maba poso komia podepodeti. “Omadeu taku inio kala lekasa ta obeta evake vo o papakeni kama pado vaini kiaro, ni vota oma zariekake koa kiaro kake maba poso, saita inio vota ota olake vaṉama peuru kale tu keule. Melai vota o kovou ka kena koa kiaro kale ama epa seko korotato ke erekema kale.