Matiu 13:21 - BAṈARA KO VAIRU AMA LEVELEVEO

²¹ Melai ko bazu ta pui ko matu saqora seko kerukeru kale, sole pui tu ko keuva. Nio tapata ni naqunaquto komai baroa keru koa bazu kale avo seta ke vaeka seko oqu.

Matiu 13:21 교차 참조

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 11:6

Ni qeta qe bazuevou vo Jone, voa maba vo pui niuniala olai evani aṉa ta maurumauru ala!” kiolake.

Matiu 13:20

Ni ko sisu koko piako lado poro kale ta ko mamola puema sea maba poso se taukavole ni zoleilo kale ke koani ko bazubazu seko didiano kale.

Matiu 13:57

So sole seta maba kevai kaikuapake se Nazareti amu. Melai Jisu ta eri kiolake sekasi, “Vo poropita ta keta va paṉaovou kiadama zae poso kale amu, melai seta kevai kaikuapou o ṉaviko ṉisa peuru kale amu ni o ṉaviko saidi,” kiolake.

Matiu 13:6

Melai vo ṉaniu ta o peata, ni vota o vualavualaekake koa qotuqotu ni kota kota kajaoke ako koko raki ta pui vaṉa ko ola sole.

Matiu 24:13

Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 26:31

Nio Jisu ta mata eri kiolake sea disaipeli madu kasi, “Oduadu ipu kale mea kiada mela ta meda soqoilou ni ukaka me ilou aṉa, ako ko Tabu ama Riki kikovevo ta eri nio sole, ‘Vo Baṉara ta o vouvaevou vo sipi o kati vailani ni se sipi poso ta keta birebireilou.’

Matiu 26:33

Nio Pita ta eri kiolake Jisu kasi, “Nia kiadamu ta keta ṉa soqoilou melai aṉata maba pui ti pui aba vaeṉou,” kiolake.

Maka 4:17

Melai kota pui ko matu saqora seko kerukeru kale, sole pui tu ko keuva. Nio tapata ni naqunaquto komai baroa keru, kapiavole seta ke vaeka seko oqu.

Luke 8:13

Ni koa rui koko piako buturuakoi ta se inio seke viqani ko bazu ni zoleilole ke koani ko. Melai kota pui ko matu saqora seko kerukeru kale, sole pui tu ko keuva. Seta ke tuvevo pueka puju ama taku, melai so keru ko zolizolito ko kueva keru, seta ke vaeka seko oqu.

Jone 6:26

Nio Jisu ta o mati tiorikake, “Tuvevo avole aṉata a bazuemela me, meta mebe vailivailila aṉa, ako meta me qie ko kubo bereti ni meta meda atape sole, pui meko vakakuke kale koko kalo aṉako aqasiele ama iruruputo.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Qelesia 6:12

Sea maba madu seke matu madoekani zolizoliemelo me tu meta me moveilo ta ke ereka ko quli tu se Jiu amu ta kemai zoleilo se, tu seta kekai aikailo kupekupe ama quli. Ni seta so ke kava tu seta keta ka lapasou koa koqotailo seke kovo ama Jiu mu kasi, seta kekai bazubazuta tea Jisu ko vou korosi topi ama ko kiada.

Qelesia 6:15

Ako vo Baṉara ko kelokelozato kale vo maba ta o moveilou ma pui o moveilou melai kota pui matuma quli. Melai ko matuma quli ta vo maba ta vairu o elou voko saevo kale Tabu ala Auvana ko pizato kale.

Epesasi 3:17

Ni aṉata a vararaita vo Karisito tu meta mevai oquvou tu vota o elou meko bulo kale, ni aṉata a melati vararaita me tu meko saevo ta ko pizatou roquano kale ni me rapukou roquano kale.

Pilipai 1:6

Ni aṉata a uria kai nianiia, vo Baṉara vo o taniekeni ereko koa uri ama quli mekasi ta obeta ziovou ereko ko ti kota kobeta okotou vo Jisu o vaitou keru.

2 Timoti 1:15

Ṉota ṉomai nianiia kiadama lotu maba se Eisia peuru poso kale amu ta lula ke vaele aṉa, Puqelasi ni Hemoqenesi melai qota la soqoi.

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

Jemisi 3:2

Ako animea kiada mela ta me erekani mela ko sarueko poso sole. Melai voa maba vo pui o saruekani voko pesio kale, vo inio vo sidopu ala ni o roveani kati vailo voko pado ama saevo.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.