Ni matu kubo vaki ta kevai padoivake vo seke mati kuevani seko mabamu, se lepu amu ni se raiqo amu ni poka kamu ni mata kake azaazama vere ko moani, Jisu ko tanama kale, ni Jisu ta o urikimake se.
Sokale avo inio koa matuma vaki ta ko luluevake vo Jisu, ni seta Qalili rana mu, ni koa Tonipeuru kale azo amu, ni sea Jerusalema mu, ni mata kama peuru poso kale amu Jiudia rana mu, ni se Jodani sukuru ka pake amu.
Ni vo Jisu ta mata o nianiiekimake se Qalili toupa ko keta kale. Ni matu kubo vaki ke padoivani sai ta ke aramuvake vo, sole vota ota zazuke vaka topi ni ota papuake sai. Ni voa vaka ta o totuke, ni sea vaki ta ke lojoake koa toupa ko ketaketa.
Nio Jisu ta o zazuke kala pado koaka topi, Saimone vo pado topi, ni vota o pasevake vo tu vota sasa raura buti o koivievo keta kasi azo kiolake. Nio Jisu ta o papuake voa koaka topi ni o nianiiekimake sea matuma vaki.
