Matiu 12:46 - BAṈARA KO VAIRU AMA LEVELEVEO

⁴⁶ Ni vo Jisu obe mati pesipesita keru maba poso pade kale inio voko niania ni visi poso ta kebe baroake. Ni seta ke lojoake kupekupe, ako seta keva zariake vati pesio sole vo Jisu.

Matiu 12:46 교차 참조

Matiu 1:18

Eri nio vo Jisu Karisito ko alilo ko kaevo. Voko niania Mere ta lula keva korotika vo Josepa puliako nioqa raekinio, nio kota ko paqumukake ta vo Tabu ala Auvana ko naizato kale inio kota epia ko evake.

Matiu 12:47

Ni kala koa padopadoilo kale ala inio o olake ni opa bazuevake vo Jisu ni eri kiolake, “Ṉoko niania ni ṉo visi poso ta kebeta lojoa kupele kekai zaria ṉati pesio ṉo,” kiolake.

Matiu 13:55

Ako nei ta vo kamada vo meqora inio ni Mere ikio voko niania, ni Jemisi ni Josepa ni Simeoni ni Jiudasi ta voko visi poso,

Matiu 2:11

Nio seta ke amaqeake koa pade ko poro kale ni so keru seke vea keru voa meqora voko niania Mere sase nio seta ke iqeiqeake ni ke ilusivake vo. Nio seta ke rupasikake seko vesa ni ke saqorikake seko katizato poso nio ke kativake vo. Koa katizato poso ta qolo, ni uria tui kama pari, ore ko nui kale ke erekako, ko paraqinisenisi ka kikelako, ni tabarioma ore ko nui, uria tui kama, ko moa ka kikelako.

Matiu 2:20

Nio vota eri kiolake vokasi, “Toirate tu vati vaite nea meqora ni voko niania Izireli peuru kale. Ako se keva zariani vouvaevo nea meqora ta lula keta vouva sole,” kiolake.

Maka 2:21

“Pui ko mabua tu animeta me qati turutou vairu ama suma tana kama suma kale ko lula ko rotiziako, ako koa vairu ama suma ta ko matu rotiekou sole koa tana kama suma me busaekou keru.

Maka 6:3

Ako vota kamada inio, ko Mere vo meqora, ni voko visi poso inio se Jemisi ni Josepa ni Jiudasi ni Saimone, ni voko saqi poso melai koi nio seko peuru melai,” kikelake. So sole seta maba kevai kaikuapake se Nazareti amu.

Luke 1:43

Matu aqasiele avo inio komia matuma quli ta ko ereiva aṉa kasi, nio aṉavo Pakio ko niania ṉa ta ṉo queva soipilole aṉa!

Luke 2:33

Nio voa meqora ko mama ni niania kidi ta aqasiele qokai evake vo Simeoni kiolani voa salua kale avo.

Luke 2:34

Ni Simeoni ta mauru o imake se ni eri kiolake Mere kasi, voa molele ko niania, “Nea meqora ta lula o pitoeve vo Baṉara tu kubo Izireli amu ta kevai tupariovou ni ke pialou melai kubo madu ta ke pakiovou vokale. Vota kala mamola o elou Baṉara kasi azo ala kubo maba madu kevai keduvo ala,

Luke 2:48

Ni voko mama ni niania ta qota matu polosake so keru nioqa qo veve keru vo, nio voko niania ta eri kikolake vokasi, “Meqora, noi sole inio ṉota ṉo erekala eri ama quli eqe kasi? Ṉovo mama ni aṉa ta matu tiṉoliṉoli qeta eva vailiṉole ṉo,” kikolake.

Luke 2:51

So sole Jisu ta ota vaitake Nazareti nioqa sate, sai vo o zorikekoi nioqa. Ni voko niania ta ko tukiekake kiadama quli koko bulo kale.

Luke 8:10

ni vota o mati tiorikake, ni eri kiolake, “Baṉara ta kasa o mela ika me voko lekasa puo ko mutamuta kama nianiio, melai sea maba poso ta ke viqou podepodeti sama pesio kale ni seta ke toiritoirizatou melai pulia quli kepa kelou, ni seta ke viqou melai pui kepa patapataekou.”

Jone 19:25

Nio sai kebeta lojoake vo Jisu ko korosi ko sipole voko niania, ni voko niania ko visi, ni Mere Kolopasi ko reko, ni Maqidalama Mere.

Jone 2:1

Ni omuqa ṉaniu ko tova Jisu o vati pesiake vo Nataniala saita, ta ko ereike kama pado rorotato Kena peuru kale, Qalili rana. Ni Jisu ko niania ta ko keve sai rorotatole,

Jone 2:12

Ni koko tova inio Jisu ni voko niania ni voko visi poso ni voko disaipeli madu ta keta vaitake Keponeami, ni ke evake sai kama poso ṉaniu.

Jone 2:5

Nio Jisu ko niania ta ko bazuemake se nabulu poso, “Meta me erekou ko quli vo o melati sorueko ama quli,” kikolake.

Jone 7:10

Lula voko lasive visi poso keta olake ṉojola kale saita, inio Jisu melai ota olake seko tova. Vota pui kasavole o olake, melai moizavole.

Jone 7:3

so sole Jisu ko lasive visi poso ta eri kikelake vokasi, “Vaeka komia zae tu ola Jiudia, tu ṉo ke lulueṉani ta ke kelou koa iruruputo ṉoṉo erekako ubutiania.

Jone 7:5

Ako voko visi poso melai pui ke tuvevo puevake vo sole.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

1 Koriniti 9:5

Kota pui ko zarizia tu a raeko kama pado lotu kale ama reko ni a odieko ko aṉako talio kale kake apositolo madu ni vo Lekasa Jisu ko visi poso ni vo Pita ke kavani jari, kio?

Qelesia 1:19

Ni sai ta mata puliala apositolo aba toraeve, melai Jemisi o kiada, vo Lekasa Jisu vo visi.