Matiu 12:32 - BAṈARA KO VAIRU AMA LEVELEVEO

³² Vo o ruqe kaselo ala aṉa maba a eveni lala ta kota va akoilou koa sarueko. Melai vo o ruqe kasevo ala vo Tabu ala Auvana ta pui kopa tava akoilou koa sarueko komia miduku kale ni mata tova aukale.

Matiu 12:32 교차 참조

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Matiu 12:31

Meta me qea vo Baṉara ko pakio sama iruruputo ni meta meqai kuirika vo Setani ko iruruputo. Soa kaseko kale inio meta me ruqe kaseva vo Tabu ala Auvana. So sole aṉata eri kiala mekasi, vo maba ta kota va roveovou akoilo voko boutare ni ruqe ama sodusoduto pesio o erekako vo Baṉara kasi. Melai vo o ruqe kasevo ala vo Tabu ala Auvana ta maba pui opa tava akoilou koa boutare.

Matiu 12:8

Ako aṉa maba a eveni lala inio koko Raki lala sole ko Sabati,” kiolake vo Jisu.

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

Matiu 13:39

Ni vo kana, vo o papakani ko rabu, ta vo inio o mamola pueva vo Setani, ni koa kajoro ko taku ta ko mamola pueka komia peuru ma peuru ko paitopaito ko taku, ni se kajoro ko maba madu ta ke mamola puema se mateana madu.

Matiu 13:40

Ni ko rabu koko tuboivako ni ko siqaivako uza kale ta so jari inio tovatovama ṉaniu ko kalo avo.

Matiu 13:55

Ako nei ta vo kamada vo meqora inio ni Mere ikio voko niania, ni Jemisi ni Josepa ni Simeoni ni Jiudasi ta voko visi poso,

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Maka 10:30

ta vo Baṉara inio ova besiekou ko komia peuru ma peuru kale, ni vota o ṉeamukou omadeu paizana vole ko pade, ni voko tamania, ni voko niania, ni voko meqora poso, ni miduku. Melai naqunaquto ikio mata obe toraekou. Ni koko kilo ama taku kale voa maba ta o kovou ko noqola kama saevo.

Maka 3:28

Aṉata a bazuemela me, vo Baṉara ta ota roveovou tamela akoeko meko boutare poso, ko meme erekako, ni ko ruqeruqe ama pesio ko meme rukuekako.

Maka 3:29

Melai vo ruqe kasevo o elo ala vo Tabu ala Auvana ta pui kopa tava akoilou koa sarueko, ni vota noqola kama sarueko sala.”

Luke 12:10

“Vo ruqe kaselo o elo ala aṉa maba a eveni lala ta kota va akoilou koa sarueko; melai vo ruqe kasevo o elo ala vo Tabu ala Auvana ta pui kopa tava akoilou koa sarueko.”

Luke 16:8

“Ni koa kalo vo o erekako kale avo inio vo lekasa ta o rauraevake voa lipalipa kala vailo ko maba voko roverove ama kalo kale. Aṉata aqai bazubazuta ko quli ako komia ruqe ama peuru ma peuru kale ama maba poso ta roverove amu ni kemai paloasa se Baṉara ko zakaremu kale ke evani seko korotiko kale ke ṉaviko uri sole.”

Luke 18:30

ta vo Baṉara inio ova besiekou ko ti vota o kovou matu kubo quli komia peuru ma peuru kale. Ni koko kilo ama taku kale inio voa maba ta o kovou ko noqola kama saevo,” kiolake.

Luke 23:34

Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.

Luke 7:34

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio meta eri la kimela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kimela.

Jone 7:12

Ni koa padopadoilo maba poso melai moizavole kebe kasevake vo Jisu. Kake ta “Vota sidopu ala maba,” kikelake, melai mata kake ta “Pui. Vo inio o lipalipaemani se maba poso,” kikelake, sole seta omuqa kerukeru kevai koake vo.

Jone 7:39

Jisu so va kioveni ta Tabu ala Auvana inio, vo seke tuvevo puevo amu vo ke vovo ala Tabu ala Auvana. Koa taku keru Jisu soa pesio o eve keru ta pui nio o katiziake vo Tabu ala Auvana maba madu kasi, ako Jisu ta pui nio o koivake voko ṉaṉaidara kama zaekale sole.

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Epesasi 1:21

Ni vota raura o ivake vo kiadama mateana madu kasi azo, ni ko lekasa puako ziolo kasi azo, ni kiadama koko lekasa puako pizato poso ni seke lekasa puani maba madu kasi azo, ni kiadama piza kama ṉi kasi azo, komia peuru ma peuru kale ti kobeta barolou komi ko kuevako peuru ma peuru kale.

1 Timoti 1:13

rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.

1 Timoti 1:15

Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.