Matiu 12:3 - BAṈARA KO VAIRU AMA LEVELEVEO

³ Nio vo Jisu ta o mati tiorikake se ni eri ma kiolake, “Meta pui me baqumukako ikio ko Tabu ama Riki kikolani, vo Devita o kaevo so keru vo ni voko vaki ke luape keru?

Matiu 12:3 교차 참조

Matiu 12:2

Nio se Parese madu ta meake se disaipeli madu ke kajorika ko vuiti Sabati ṉaniu kale, ni seta eri kikelake Jisu kasi, “Keatini, meta me bazoka inio vo Mosese ko Bazu, ako ṉoko disaipeli madu ta keta kajora sole ko vuiti Sabati ṉaniu kale!” kikelake.

Matiu 12:4

Tabu ama Riki kikolani ta vota o amaqeake Baṉara ko pade kale, ni o koake ko bereti Baṉara kasi ko katiziovima, ni o kuake ko, ni voko vaki melai ke kuake. Koa kalo ta ko bikoirika Mosese ko Bazu ako koa bereti ta siama madu ke kiada inio koma zarizia tu ke kuo. Melai vo Baṉara ta pui opa vai korakorai vo Devita, sole me melai pui me ṉelai korakorailou eṉe.

Matiu 12:5

Ni noi nio meta me ataekani mela inio vo Mosese ko Bazu, melai pui meda ka paqumuka, ko eri kikovema, kiada keru se Jelepade ko siama madu ta ke pazoka inio Sabati ko kati vailo ko bazu seko iruruputo kale Sabati ṉaniu kale, melai seta pui ke saruiva, ako seta ke ereka Baṉara oka zariani sole Jelepade kale.

Matiu 19:4

Nio Jisu ta o mati tiorikake ni eri ma kiolake se, “Meta pui me ataekako ikio ko Tabu ama Riki kikovevo, kio? Ko eri kikovema, koko tanitanila kale inio vo Baṉara ta o ereke ko maba lasive ala ni reko ama kikovema.

Matiu 21:16

Nio seta ke kuimaevake vo Jisu ni eri kikelake, “Ṉobe viqa seko ilusiṉo ni rauraeṉo ṉo, kio?” kikelake. Nio Jisu ta o mati tiorikake se ni eri kiolake, “Zio, melai meta pui me ataeka ko ikio ko Tabu ama Riki ko kasekema, ko eri kikovema, ‘Ṉota ṉo nianiiekima silosilo amu ni molele poso tu ke ilusiṉo ṉo’ kikovema?”

Matiu 22:31

Melai meta pui me duvevo pueka se voumu ko mata saevo, ta meta maba pui me baqumukani mela inio vo Baṉara mela kiovevo, ko eri ka kikovema,

Maka 12:10

Ni Jisu ta mata o erevake kala podepodeti o ṉavi kale avo ni eri kiolake sekasi, “Meta pui me ataekako ikio ko Tabu ama Riki kikovevo? Ko eri kikolako, ‘Koa lado se pade ke erekani kekai keduima pui uri ama ka kikevema, ko ikio erisaṉama qulepo ama pade ko lado kiadama lado poso azo.

Maka 12:26

Melai meta pui me duvevo puekou se voumu ko mata saevo, ta meta maba pui me baqumukani mela inio vo Mosese ko buka ko kasekako koa urusana ko bainema sasa ore topi sai o eve keru ama bazu. Ako sai nio ko rikiziovikoi sole vo Baṉara ko eri vati kio vo Mosese, ‘Aṉa inio vo Ebarahami vo Baṉara lala ni vo Aisake vo Baṉara lala ni Jekopi vo Baṉara lala,’ kikovekoi.

Luke 10:26

Ni vo Jisu ta o vati tiorikake vo ni eri kiolake vokasi, “Noi nio ko Tabu ama Riki kikolani? Ni loma ikio ṉoṉo diromikako sai?” kiolake.

Luke 6:3

Nio Jisu ta o mati tiorikake se ni eri kiolake, “Meta pui me baqumukako ikio ko Tabu ama Riki kikolani, vo Devita o kaevo so keru vo ni voko vaki ke luape keru?