Matiu 12:28 - BAṈARA KO VAIRU AMA LEVELEVEO

²⁸ Ako aṉata pui vo Setani inio o katila ko pizato inio a rerika ko ziolo poso sole, melai vo Baṉara vo Auvana kale inio, ni kokale nio meta me duvevo puekou ta vo Baṉara ko lekasa puo ta lula ko melai baroa.

Matiu 12:28 교차 참조

Matiu 12:18

“Nei nio aṉavo Nabulu vo a bitoeveni, ni vo a matu roquevani ni vo ava matu zoleivani. Aṉata a joroekou aṉako Auvana vo tona, ni vo inio okai velavelaovou sidopu ko keve kiadama komia peuru ma peuru kale ama maba poso kasi.

Matiu 12:29

Puliala maba ta opa roveovou amaqeo vo piza kala maba ko pade kale, tu ota va kuiliko voko lomaloma, melai vota o pirievou voa piza kala maba kuleto, Saita inio vota o amaqeovou voko pade kale ni ota va kuilikou kiadama voko lomaloma. So jari nio aṉa. Aṉata pizato salala tu koqo a ivo vo Setani ni voko vaki.

Matiu 21:31

Sole lala pado nioqa tamania inio o zorikake nioqavo mama ko zario?” kiolake. Ni seta ke vati tiorikake ni eri kikelake, “Vo kaka kala meqora, vo o keveni iruruputole,” kikelake. Nio Jisu ta eri ma kiolake se, “Tuvevo. Sole tuvevo avole aṉata eri kiala mekasi, so inio se takisi ke koani ni seke sasave putani ta ke mela paloasa me seko amaqeo kale Baṉara ko lekasa puo kale.

Matiu 21:43

Ni Sokale avo inio aṉata a bazuemela me, vo Baṉara ko lekasa puo ko mauruto ta ota mela kovou me ni o katimou sea qoqono, seke zoriko amu voko soru.”

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Matiu 6:33

So sole meta atanaziekomo koa saevo vo Baṉara ko lekasa puo kale ama ni me erekou vo oka zariako quli, nio vota mata o katimelou kiadama quli meko saevo ko korotiko ama.

Maka 1:15

Ni eri kiolake, “Ko tutututuki ama taku ta kobeta kueva, ni vo Baṉara ko lekasa puo ta sipole! Tu meta liliziomo meko ruqe kale azo ni tuvevo ikomo ko Uri ama Bazu,” kiolake.

Maka 11:10

Baṉara ta mauru o ikou koko kuevako lekasa puo animevo taite Devita ko jari ama! Ilusivomo vo Baṉara!”

Maka 16:17

Ni seke tuvevo puto amu ta Baṉara inio o katimou se ko pizato ni ke erekou aqasiele ama iruruputo. Ni seta ke rerikou ko ziolo poso aṉako ṉikale, ni seta kekai pesiovou azaazama pesio.

Luke 10:11

‘Ko pari meko zavaṉa kale ama koko ramatako eṉeko kiti kale eṉeta ṉe bapazika eṉeko kiti topi azo, tu meqai nianiiovou vo Baṉara ko korakorailo mekasi ama. Melai meta pui ukaka me ikou komi quli, vo Baṉara ko lekasa puo ta lula meko sipole kota evala!’ kimevou.

Luke 11:20

Melai aṉata a rerima inio sea ziolo poso Baṉara ko pizato kale tu komi ta kasa ko iko mekasi vo Baṉara kasi azo ko kuevako saevo vo okai lekasa puako ta lula kota baroa mekasi kio.

Luke 16:16

“Mosese o katimelema Bazu ni se poropita madu ko riki poso ta ko pizate ti kobeta baroi Jone Bapitaiso ko taku keru, so keru azo inio aṉata a danite kai bazubazuto ko Uri ama Bazu Baṉara ko lekasa puo ko bazu sama ni maba poso ta ko riaboema amaqimo voko lekasa puo kale.

Luke 9:2

Ni vota o soroemake se tu kekai bazubazuto vo Baṉara ko lekasa puo ni ke urikimo se vere amu.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Kolosi 1:13

Baṉara ta o pakiemele anime kutumana ko pizato kale azo ni o amaqimele anime vo o matu roquevani Meqora ko lekasa puo kale,

Hiburu 12:28

So sole animeta me ilusivou vo Baṉara, ako vota lula o zomanimela anime koa toutou kale vo okai lekasa puako, ko pui ko roveako vezokato. Animeta me ilusivou vo koa keve vo ko zolevo ama kale matuma paṉao sate.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.