Ni omuqa ṉaniu ta ikoana ti Alokato ni Isiti pide ama Bereti ko Ṉojola ikio. Ni se raura kama siama madu ni se Mosese ko Bazu kekai nianiiekatani ta ke erekake ko korokorotato tu ke noqoevo vo Jisu moizavole ni ke vouvaevo kikelake.
Ni koa taku kale inio se Parese madu ta ke vaekake koa ilusato ko pade ni kemai zomanake kake se vo Herodi ko poqala kale amu, ni seta ke erekake kama korokorotato tu ke vouvaevo vo Jisu.
Nio se raura kama siama madu ni Mosese ko Bazu kekai nianiiekatani ta keta ma ṉake se maba poso. So sole seta ke vailikake kama keve tu ke vouvaevo vo Jisu moizavole kikelake.
Ako se raura kama siama madu ni Parese madu ta lula ke bazuema se maba poso tu kala vo okai nianiiovo ala sai vo Jisu o evakoi ta okai bazutou, tu seta ke noqoevo vo.
Nio koa pesio kale avo se Jiu ama tanatanamu ta keva matu zariake vouvaevo vo Jisu, pui voko niumaeko kale ko Sabati ko bazu kale ko kiada, melai voko kaseko kale vo Baṉara ta o ṉavivo Mama, ni voko kaseko kale ko vo ni Baṉara ta ijatinia kio kale.
Nio ke viqe keru voko so kio inio sea tanatanamu ta ke noqoevo kikelake vo, melai puliala ta o roveake kamavo, ako voko taku ta pui nio ko baroake sole.
Ni se Parese madu ta keta ma viqake sea matu padopadoilo vai vazavazao vo Jisu, ta vota vo Baṉara o soroeveni Pakio nio kio, so sole sea Parese madu ni se raura kama siama madu ta ke soroemake se Jelepade ko vailo ko maba madu tu kepa noqoevo vo Jisu kikelake.
