Matiu 11:27 - BAṈARA KO VAIRU AMA LEVELEVEO

²⁷ “Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 11:27 교차 참조

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 17:6

“Aṉata lula kasa a iṉa ṉo nia poqala maba poso kasi, se ṉoṉo qatileni komia peuru ma peuru ko maba poso kale azo. Seta lula ṉoko madu, ni ṉota ṉola puarime aṉa. Seta ke zorika ṉoko bazu,

Jone 3:35

Vovo Mama ta o roqueva vo Meqora ni vota o kativa ko pizato tu o ereko kiadakiadama quli.

Jone 6:46

Puliala inio lula opa veveni vo Mama; melai aṉa a quevini lala Baṉara kasi azo, aṉa inio lula a veveni lala vo Mama.

Jone 7:29

aṉa inio avai nianiia vo, ako aṉata a quevi vokasi azo, ako vota o soroele aṉa sole,” kiolake.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.

1 Jone 2:23

Ako vo pui tuvevo o ivani vo Meqora ta pui vo Mama vo inio, melai vo o ṉeamuvo ala vo Meqora ta o ṉeamuva inio mata vo Mama.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.