Matiu 11:21 - BAṈARA KO VAIRU AMA LEVELEVEO

²¹ “Matuma tapata kio ko melai barolou mea Korazini peuru kale amu mela! Ni mata me Betiseida mu mela ko melai barolou! Ako koa aqasiele ama iruruputo koko ereima mekasi ta ko erei pui Jiu amu kasi Taea ni Saidoni peuru kale tea, koa omuqa peuru kale ama maba poso ta lulavo inio keta papu ni ke kiako ko baeke sabosabo ni kekai raibizio ko pari ke tupu topi, tu kasa ke iko seko sarueko kale azo ama lilizio.

Matiu 11:21 교차 참조

Matiu 11:22

Tuvevo avole aṉata a bazuemela me, titizato ko ṉaniu kale vo Baṉara ta o koqotaemelou me matuvole kokai paloasou ko Taea ni Saidoni peuru kale ke evani pui Jiu amu ke kovo ama koqotato, se pui ke keani koa aqasiele ama iruruputo ko meme qeako jari ama.

Matiu 15:21

Ni koko tova inio Jisu ni voko disaipeli madu ta ke vaekake koa zae ni keta olake Taea ni Saidoni matu peuru ko ketaketama peuru poso kale.

Matiu 18:7

Matu ruqe ama quli kio komai barolou komia peuru ma peuru kale ama maba poso ako seta ruqe ke ima maba poso sole seko oqu kale. Soama ruqe ama iruruputo ta pui kopa epezou komia peuru ma peuru kale, melai matuma koqotato ikio ke kovou sea maba poso seke saruemani edolomu!

Matiu 26:24

Ako aṉa maba a eveni lala ta soa vou inio a elo avo ko Tabu ama Riki kikovevo sole. Melai matu ruqe ama quli kio kovai barolou voa maba vo o saiqorilo ala aṉa maba a eveni lala, ni noni kaqe inio ota alile?” kiolake vo Jisu.

Maka 3:8

ni Jerusalema ni Idumia ko ketaketama sasa peuru poso kale azo, ni Jodani sukuru ko ṉaniu o peatakoi vasia ranama peuru poso kale azo, ni Taea ni Saidoni omuqa matu peuru ko ketaketama sasa peuru poso kale azo. Nia kiadama maba poso ta ke kuevake Jisu kasi ako seta ke viqake sole vo Jisu o erekako iruruputo.

Maka 6:45

Ni koa taku kale inio Jisu ta o bazuemake voko disaipeli madu tu ke zazu vaka topi tu kebeta pakeo Qalili toupa ko koa pake Betiseida zavaṉa kale, so maqa inio vota o vaitoemou sea vaki.

Maka 7:24

Nio vo Jisu ta o vaekake koa zae ni ota olake Taea matu peuru ko ketaketama peuru poso kale. Ni vota ota amaqeake pade kale ni pui okai zariake tu maba poso ta kevai nianiio ta vota sai, melai vota pui o roveake mutailo.

Maka 7:31

Ni Jisu ni voko disaipeli madu ta ke vaekake Taea ma peuru poso ni keta olake Saidoni kude ni keta lebaoke ni ke alokatake Tonipeuru, saita inio ke baroake Qalili toupa kale.

Maka 8:22

Ni so keru seke baroa keru Betiseida peuru kale, kake maba poso ta ke vati olake kala leqa kala maba Jisu kasi. Ni seta ke pasevake vo tu ovai iviko voko ṉase tu o urikivo.

Luke 4:26

Melai Ilaija ta pui opa soroeve vo Baṉara kama pado sekasi, melai kama pado pui Jiu ama naboko ko kiada kasi, Zerepati pui Jiu amu ko peuru kale, Saidoni peuru ko sipole.

Luke 6:17

Ni sea toni omuqa sate inio Jisu ta o saqorake sopu kale azo, ni vota o baroake kama pado sare ama zaekale sai mota kamu vo ke luluevani maba madu ke toraevekoi. Ni mata kubo maba madu ta ke padoivake sai seke kuevini Jiudia ranʼazo ni Jerusalema azo ni koa omuqa matu peuru Taea ni Saidoni ko keta kalea vasia ranama peuru poso kale azo,

Luke 9:10

Ni se apositolo madu ta ke vaitake ni kepa vai bazuekake vo Jisu kiadama se lula ke erekako quli. Ni vota o mati olake ke kiada pado Betiseida va kikelani peuru kasi vasia rana.

Jone 1:44

Pilipi ta Betiseida peuru kale ala, koa omadeuma peuru sai Aduru ni Pita qo evakoi zala.

Jone 12:21

Ni seta ke olake kala Jisu vo disaipeli Pilipi kasi, Betiseida ala Qalili rana, ni eri kikelake, “Tanala, eṉeta ṉeva zaria velo vo Jisu,” kikelake.

Iruruputo 12:20

Ni vo Herodi ta omai matu korakoraivake se Taea ni Saidoni peuru kale amu, so sole seta ke padoekiniake tu kepa velo vo kikelake. Kuleto seta ke vati baerebaereake vo Balasitasi, vo o kati vailani vo Herodi ko matu pade, tu vota o tauvemou se. Koko tova inio seta kevai olake vo Herodi ni seta ke pasekake ko odouvikinio, ako seko peuru ta vo Aikovakova ko peuru poso kale azo inio ke koakoi ko sailao sole.

Iruruputo 27:3

Ni koko tovala ṉaniu kale inio ṉe varerikake Saidoni peuru kale. Sai nio Juliasi ta o zarievake vo Paula tu vota o zio melole voko baerebaere poso tu seta ke tauvevo vo kiolake sole.

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.

Kelokelozato 11:3

Ni aṉata a joroekou aṉako omuqa poropita kidi baeke sabosaboa nioqa, buniubuniuo ko sabosabo, nio nioqa inio qokai bazubazutoa nioqa vo Baṉara ko upotuqu sama bazubazu koa zouke sabere varimuja kaboso kale,” lati kiolake.

Kelokelozato 6:12

Ni so keru voa Sipi Meqora o rupasike keru koa varimujama vinavina inio aṉata a qeake matuma nunu ta kota evake, nio vo ṉaniu ta mukamuka kama suma jaria matu sibisibi ota evake, ni vo kaboso ta maba dara jaria diridiri ota evake.