Matiu 10:8 - BAṈARA KO VAIRU AMA LEVELEVEO

⁸ So sole meta me urikimou seke verepani ni me jaevimou se voumu, ni me urikimou se pokupoku amu ni meta mema rerikou ko ziolo poso. Ni meta me ṉeamukani mela koa tauvezato utuakoi, so sole meta mata katimomo se koa tauvezato utuakoi.

Matiu 10:8 교차 참조

Matiu 10:1

Ni vo Jisu ta o nokaemake ni o padoemake omadeukoi o ṉaviko toni omuqa disaipeli madu, ni vota o katimake se ko pizato tu seta ke rerikou ko ziolo poso ni urikimou se maba poso kiadama azaazama vere poso kale azo.

Matiu 10:7

Ni meta me bazubazutou ni eri kimevou, ‘Vo Baṉara ko lekasa puo ta sipole kota barolou!’

Matiu 10:9

Ni meta pui me borikou kama takula meko kukulu kale.

Maka 16:18

Ni seta kebe kamakou ko vou sama dole, ni ke nozuekou vou sama quli melai pui kepa vouvou. Ni kemai ivikou seko ṉase se vere amu ni seta keta urikou,” kiolake vo Jisu.

Luke 10:9

ni meta me urikimou se vere amu koa peuru kale amu, ni meta eri kimevou saizamu kasi, ‘Vo Baṉara ko lekasa puo ta meko sipole’ kio.

Iruruputo 3:6

Melai Pita ta eri kiolake vokasi, “Aṉata puliama siliva ni qolo seleni salala, melai aṉata ikoana ka pado quli salala ni ko quli kio a qatiṉou ṉo. Sole vo Nazareti ala Jisu ko ṉikale aṉata a bazueṉa ṉo tu ṉota loje ni tali!” va kiolake.

Iruruputo 4:30

Kasa ika ṉoko pizato tu ṉoko urikato ni aqasiele ama iruruputo poso ta ko ereilou ṉovo tabu ala Nabulu Jisu ko ṉikale,” kikelake.