Matiu 10:20 - BAṈARA KO VAIRU AMA LEVELEVEO

²⁰ Ako ko quli ko meme qaseko ama ta pui me ṉaviko pesio kio sole, melai kota mevo Mama ko Auvana ko pesio meko kora kale.

Matiu 10:20 교차 참조

Matiu 6:32

Ako komia peuru ma peuru kale ama kutumana kamu inio kuleto ke ikani kiada keru ko sailao ni ju seko vailizato kale. Melai meta pui se jari me qalou, ako mevo aukale ala Mama ta lula okai nianiia kiadama quli saevo ko korotikako quli sole.

Maka 12:36

Melai Tabu ala Auvana inio o kativake ko kerukeru vo Aikovakova Devita ti vota eri kiolake o kera kale, ‘Vo Baṉara ta eri vati kiolake aṉavo Lekasa, ṉota papi aṉako palo rana tu ṉo lekasa puo, ti kobeta barolou so keru aṉa a vaemou keru kiadama ṉoko kana poso ṉoko pizato kale.’

Luke 11:13

Meta ruqea mela melai meta meqai zaria katimo ko uri ama quli meko meqora poso. Mevo aukale ala Mama ta o melai paloasa me, sole me rovea tuvevo pueko ta vota o katimou ko Tabu ama Auvana seke pasekani vokasi!” kiolake.

Luke 12:12

Ako vo Tabu ala Auvana inio o melati vakakukou koa taku so me kimevo avo sole,” kiolake.

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Iruruputo 13:9

Nio Saula, vo Paula ṉi o koeni, ta kovai sukatake vo Tabu ala Auvana ko pizato ni vota o toiritoirivake voa maba kakokakoto ko iruruputo o erekani,

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Iruruputo 28:25

So sole seta keta zolizoliekiniake, nio Paula ta o kasevake matu tovatovala quli sekasi, ni eri kiolake, “Vo Tabu ala Auvana ta uria kaseko o evake vo poropita Aisea ko riki kale ko tuveano meko taite poso kasi. Ako vota eri kiove sole, ‘Ola ni eri pa kive nia maba poso kasi: Meta viqo ti viqo me elou, melai pui meba paqumukou; ni meta kelo ti kelo me elou, melai pui meba patapataekou. Ako nia maba poso ko bulo ta zokele ke ikou sole, ni seta ke sutamukou seko taliṉa ni ke imadikou seko vilu tu seko vilu ta pui ko kelokelozatou, ni seko taliṉa ta pui ko viqaviqazatou, ni seko bulo ta zokele ko elou, melai pui so tea seta keta vaitou nio aṉa kasi, kiolake vo Baṉara, ni aṉata a urikimo inio se,’ ka kiovema.” Ni Paula ta o paikake pesio voko eri kio kale: “So sole meta paqumukomo ko eri; vo Baṉara ko pakiezato ko bazubazu ta lula ko soroiva pui Jiu amu kasi. Ni seta ke roveovou viqo ko!” kiolake. Ni voko so kio ko tova inio seta ke tanitake zio seko matuma zolizoliekinio kale ke ṉavio kude.

Iruruputo 4:8

Sai nio vo Tabu ala Auvana ko pizato ta kovai sukatake vo Pita, ni eri ma kiolake, “Me Izireli qoqono ko vilua pikopiko ni lotu lekasa poso mela!

Iruruputo 6:10

Melai vo Tabu ala Auvana ta o kativake ko nianiio vo Sitiveni so keru vo o pesi keru, so sole seta pui ke roveake tava pazoko voko pesio.

2 Koriniti 13:3

Aṉata so a qalou, ako meta meqa zaria tu ko tuvevo puilou ko vo Karisito ta o pesia aṉa kale kude kio. So keru vo o sidopu puemelou keru me vota pui lekuleku ama keve kale inio opa erekou. Vota kasa o ikou voko matuma pizato mekasi.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

2 Pita 1:21

Ako puliama se poropita madu ko bazu ikio kopa utu erei vo maba ko vatolo kale. Melai sea maba poso seke odiziani Tabu ala Auvana kale inio kekai pesiake vo Baṉara ko bazu.