Matiu 10:2 - BAṈARA KO VAIRU AMA LEVELEVEO

² Komi kio sea toni omuqa disaipeli madu ko ṉi poso, se vo Jisu apositolo madu ma kioveni. Saimone ka pado voko ṉi ta Pita, ni vovo visi Aduru, Jemisi, ni vovo visi Jone, nioqa tamania Zebeti ko meqora kidi,

Matiu 10:2 교차 참조

Matiu 17:1

Ni varimuja ṉaniu ko tova inio Jisu ta o pitoemake Pita ni nioqa tamania Jemisi ni vovo visi Jone ni o mati kailake okate ala sopu kale ni seta sai ke kiada pado.

Matiu 20:20

Ni vo Zebeti ko reko ni koko meqora kidi Jemisi ni Jone ta ke olake Jisu kasi, ni koa reko ta ko iqeiqeake Jisu ko tanama kale, ni kovai zaivotake vo.

Matiu 26:37

Ni vota o mati olake sea toni omuqa kale azo Pita, ni Jemisi ni Jone, Zebeti ko meqora kidi, ke kiadakoi. Ni Jisu ta matu upotuqu ota evake,

Matiu 4:18

Ni vo Jisu ta opeta ketaina Qalili toupa ko ketaketa, nio vota o keake Saimone, kama pado voko ṉi ta Pita, ni vovo visi Aduru. Nioqa tamania ta abu ko maba kidi, so sole nioqata qopeta sabaoke toupa kale.

Matiu 4:21

Nio vo Jisu ta mata o sasa vatutake ni vota o keake mata kainioqa tamania Jemisi ni Jone, vo Zebeti ko meqora kidi. Nioqa tamania ni nioqavo mama Zebeti ta koaka kale kebe vuarikake seko saru inio Jisu ta o nokaekake nioqa ni eri kiolake, “Kueko tu lulueloko aṉa.”

Maka 1:29

Ni Jisu ni voko disaipeli madu ni Jemisi ni Jone ta ke vaekake koa ilusato ko pade, ni tutumazi avole keta olake Saimone ni Aduru ko pade kasi.

Maka 13:3

Ni vo Jisu ta ota papuake Olive Ore sama Sopu kale Jelepade kasi vasia lilito. Nio vo Pita ni vo Jemisi ni vo Jone ni vo Aduru ta keva olake vo moizavole, ni eri kikelake,

Maka 6:30

Ni se apositolo madu ta ke vaitake ni ke toraevake vo Jisu, ni seta kevai bazuekake kiadama quli seke erekako ni ke mati nianiiekikake se maba madu.

Luke 11:49

Sokale avo inio vo nianiio sala Baṉara ta eri kioveni, ‘Aṉata a joroemou sekasi se poropita madu ni apositolo madu, nio kake seta ke vouvaemou ni kake ta ke niumaniumaemou.’

Luke 22:14

Ni vuato ko taku ko baroake, nio Jisu ta o papuake tevolo kasi voko disaipeli madu sate.

Luke 22:8

Nio Jisu ta o soroekake Pita ni Jone, ni eri kiolake, “Olako tu pa inainaekoko ko Alokato ko sailao anime kaqe,” kiolake.

Luke 5:10

Ni koa omadeuvo jari vo Saimone sase qo iruruputani nioqa, Jemisi ni Jone, Zebeti ko omuqa lasive meqora kidi ta qota vuzeike. Nio Jisu ta eri kiolake Saimone kasi, “Pui ṉalo, ako erisaṉa azo ṉota ṉo daniekou movo se maba poso aṉa kaqe sole,” kiolake.

Luke 9:10

Ni se apositolo madu ta ke vaitake ni kepa vai bazuekake vo Jisu kiadama se lula ke erekako quli. Ni vota o mati olake ke kiada pado Betiseida va kikelani peuru kasi vasia rana.

Jone 12:22

Nio Pilipi ta o olake ni opa bazuevake vo Aduru, nio nioqata qo olake, ni qopa bazuevake vo Jisu.

Jone 13:23

Nio kala pado sea disaipeli madu azo, voa pado vo Jisu o matu roquevani, ta obeta papuake Jisu ko ketaketa.

Jone 20:2

So sole kota ko rereake ni ko olake Saimone Pita kasi ni kala pado disaipeli, vo Jisu o matu roqueveni, ni ko bazuekake nioqa, “Seta kepa voala vo Lekasa keaka kale azo ni animeta pui meqai nianiia sai kepa vaevalakoi vo!” kikolake.

Jone 21:2

Saimone Pita, ni Tomasi “Modi” o ṉi sala, ni Nataniala Kena peuru kale ala Qalili rana, ni Zebeti ko omuqa lasive meqora kidi, ni mata kama omuqa Jisu ko disaipeli kidi ta ke padoivake omadeukoi.

Jone 21:20

Nio nioqa Jisu ni Pita qopeta ola keru inio Pita ta o liliziake ni o veake voa disaipeli, vo Jisu o matu roqueveni, vo o zukaideni Jisu ko sipole vuato keru ni eri kioveni, “Lekasa, lala inio ṉo o saiqoriṉo ala?” kioveni, ni vo inio mata o luluekani nioqa.

Jone 21:24

Vo inio voa disaipeli vo o kasekeni ni o rikiekeni komi quli poso, ni animeta me baqumuka ta vo kiovevo ta tuvevo avo.

Jone 6:67

Sai nio Jisu ta eri kiolake voko toni omuqa disaipeli madu kasi, “Noi nio, me melai meqa zaria vaelo aṉa kio?” kiolake.

Jone 6:70

Nio Jisu ta eri kiolake sekasi, “Aṉa a ṉavi nio lula a bitoemela mea toni omuqa, melai kala me azo ta Setani vo maba inio!” kiolake.

Jone 6:71

Jiudasi inio o kasevake, Saimone Isikarioti vo meqora. Ako Jiudasi ta kala pado sea toni omuqa disaipeli kale ala, melai vo inio o saiqorivo ala vo sole.

Jone 6:8

Ni mata kala vovo disaipeli, vo Aduru, vo Saimone Pita vo visi ta eri va kiolake vo Jisu,

Iruruputo 1:13

Seta kekai amaqeake koa matu peuru ni kekai zakeike okate ama lose kale sai seke evakoi: Pita, Jone, Jemisi ni Aduru, Pilipi ni Tomasi, Batolomiu ni Matiu, ni Jemisi Alepiasi vo meqora, ni Saimone kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo, ni Jiudasi Jemisi vo meqora.

Iruruputo 1:26

Nio seta ke erekake ko lojilojiekinio daisi kale tu lala pado inio nioqʼazo o pitoilo, ni vo o pitoini ta Matiasi, vo o tiovimeni sea toni omadeu apositolo seko poqala kale.

Iruruputo 12:2

Ni vota o voake vo Jemisi, Jone vo kaka, ni seta ke lezuevake vo.

Iruruputo 3:1

Ni omadeu ṉaniu kale inio Pita ni Jone ta qo olake Jelepade zouke koloko keru raisiraisi, koa taku ta vararaito ko taku sole.

1 Koriniti 15:7

sai kazo inio vota o puratake vo Jemisi kasi, ni koko tova inio sea kiadamu o apositolo madu kasi.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

1 Pita 1:1

Aṉa Pita lala, vo Jisu Karisito vo apositolo lala, ta a joroeka komia riki mekasi, vo Baṉara ko pitopito ama qoqono mela kasi meme vaekeni mela meko peuru poso, ni me birebireini mela Ponitasi rana ni Qelesia rana, ni Kapadosia rana ni Eisia rana ni Bitinia rana.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

2 Jone 1:1

Aṉa lotu ko vilua pikopiko lala, ta a rikieka komia riki ṉoa pitopito ama rekoreko ṉa vo Karisito kalea laṉa kasi ni ṉoko meqora poso kasi: Aṉata tuvevo avole a roquemela mea kiada mela, ni pui aṉa a qiada melai sea kiadamu se kekai nianiiani ko tuvevo ama bazu melai ke roquemela me.

3 Jone 1:1

Aṉa lotu ko vilua pikopiko lala, ta a rikieka komia riki a baerebaere Qaiasi ṉa kasi, ṉo tuvevo avole a matu roqueṉani ṉa.

Kelokelozato 1:1

Komia riki ta ko kaseka kiadama quli vo Jisu Karisito o puratikema quli ko kalo, ko quli vo Baṉara ova kasekema tu vota kasa oma iko voko nabulu poso ko taukavole ko ereilo ama quli. Vo Jisu Karisito ta kasa olai ikake kiadama quli aṉa vovo nabulu Jone lala voko lai soroevo kale kala vovo mateana,

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 18:20

Mea kiada mela aukale me evani mela, meta ka zoleimo koa peuru ko biresuilo ni niumailo! Ni Baṉara ko maba poso mela, ni apositolo poso mela ni poropita poso mela, meta zoleimo! Ako vo Baṉara ta lula o titizima koa peuru kale amu ko quli seke melai erekema me kale avo sole!

Kelokelozato 22:8

Aṉa Jone lala inio a viqeni ni a qeveni lala kiadama ko quli poso. Nio aṉako viqo ni kelo ko tova, aṉata a loqunake vo mateana vo ola kasekeni kiadama ko quli poso ko kiti raki kale tu aṉata a ilusivo vo, kialake.